A Sociedad Gimnástica Pontevedra anuncia a apertura de inscricións na escola do club e advirte que o prazo de matrícula estará aberto ata o 10 de setembro.
Para inscribirse explican que hai que entrar na APP Cluber, rexistrando os datos requeridos e seleccionando a cota “Escola Club Sub12-14” ou “Escola Club Sub10”, segundo corresponda co ano de nacemento do/a participante. Pódese acceder premendo nestaa seguinte ligazón.
Ata entón seguiranse os seguintes criterios de admisión, nesta orde:
- Ter formado parte da escola de club no curso anterior.
- Ter formado parte da escola iniciación no curso anterior.
- Ter un irmá/irmán que formase parte da escola de club.
- Orde rigorosa de inscrición (data e hora).
“A partir do 11 de setembro as prazas adxudicaranse de acordo coa orde rigorosa de inscrición en dito formulario, sempre e cando queden prazas libres”, explica a Sociedad Gimnástica Pontevedra.
Os adestramentos comezarán o 15 de setembro nas pistas de atletismo do Centro Galego de Tecnificación Deportiva de Pontevedra (CGTD), mantendo os días: luns, mércores e venres. Nos seguintes horarios:
- De 17:00 a 18:00h para a categoría sub10.
- De 18:00 a 19:15h para as categorías sub12 e sub14.
A Sociedad Gimnástica Pontevedra manterá o protocolo COVID
Tendo en conta a situación sanitaria o club advirte que manterá o protocolo “levado a cabo o curso pasado é será necesario achegar unha declaración responsable”.
Tamén explica que, diante de calquera dúbida pódese contactar coa entidade nos a través de este enderezo electrónico info@sgpontevedra.com. Outra canle para obter máis información é este espazo da web da Sociedad Gimnástica Pontevedra.