“Pese a todos os esforzos feito polo club, o partido do sábado 19 de setembro terá un aforo reducido de 60 persoas”, así comeza a nota co aviso que o equipo de comunicación do Durán Maquinaria Ensino ven de remitir aos medios de comunicación sobre o cruce con Perfumerías Avenida. O partido poderá verse na canle da FEB.
Explican desde a entidade lucense que teñen “traballado sen descanso por cumplir todos os protocolos sanitarios”, detallan que tiñan solicitado a posibilidade de contar cun máximo de 150 persoas, pero non puido ser.
“A situación cambiante da epidemia da COVID-19 na cidade de Lugo provocou que as institucións responsables teñan comunicado ao club que o partido terá que xogarse coa restrición de aforo indicada”, é dicir, so 60 persoas poderán asistir como público a o partido.
Desde o CB Ensino relátase que mañá na mañá “chamarase aos 60 primeiras/os socias/os que renovaron o seu carné esta tempada para que poidan asistir ao partido se o desexan”. No caso de que esas 60 primeiras persoas non queran acudir “seguiremos chamando as/os socias/os por riguroso orden de renovación”.
Desde o club lucense advírtese que “aquelas persoas socias que o desexen poderán solicitar o reembolso proporcional” do seu abono ao non poder gozar do partido “por esta causa de forza maior”
O CB Ensino aspira a que o aforo se amplie no futuro
De cara a siguintes citas deportivas “esperamos poder albergar un maior número de público nunha instalación como o Pazo dos Deportes”, manifestan desde o equipo de baloncesto de Lugo.
Desde o Durán Maquinaria Ensino de baloncesto feminino agradecen “a toda a afición o cariño, a comprensión e estar sempre ao noso carón, por difícil que sexa a situación”.
Como xa informamos en As Nosas, o primeiro partido do Durán Maquinaria Ensino Lugo na Liga Endesa Femenina 2020/21 disputarase no Pazo dos Deportes contra Perfumerías Avenida Baloncesto Salamanca. Máñá, sábado 19 de setembro ás 19.15 horas, as lucenses enfrontaranse ao vixente campión da Supercopa. Un partido que se poderá ver en directo a través da canle da FEB.
