O pasado domingo, a piscina Rosario Dueñas de Ourense foi o escenario da Segunda Xornada de Copa de Promoción de Natación Artística Júnior e Infantil. Na competición, os ouros foron para o Sincro Ferrol e o Sincro Ourense respectivamente.
Na categoría Infantil as gañadoras o primeiro posto do podio foi para o equipo das ourensás, que sumaron 55.6333 puntos coas nadadoras Carmen Novoa, Cayetana Herranz, Leire Gesteiro, Andrea Rodríguez, Uxía Sánchez e Noa Mendez. En segunda posición quedou o C. Acuatic, con 53.5000 puntos e o bronce foi para o ADN Narón, con 51.5333. En total, participaron 8 equipos nesta proba.
Na Categoría Júnior competiron ata sete conxuntos, nunha competición moi rifada. O ouro foi finalmente para o Sincro Ferrol, cun equipo formado por Paola López, Laura Matínez, Lucía García, Susana Verez, Ana Pita, Andrea González, Sabela Fernández e Marta Maroño, as cales sumaron 60.5333 puntos.
Preto delas, colgándose prata júnior, quedaron as nadadoras do club Aguamarina de Culleredo, con 60.3667 puntos e o tamérn as do ADN Narón, bronce con 60.3000 puntos. As cullerdenses xa se colgaran outra medalla na piscina ourensá, cando conseguiran o bronce sénior no Campionato Galego de Inverno.
