A xogadora do CRAT Residencia Rialta Sina Hetet non volverá xogar no que resta de tempada 2022-23 co club coruñés, segundo informa a entidade. A deportista sufría unha lesión no transcurso do partido disputado o 6 de novembro en Sevilla co Cocos que a manterá apartada da competición.
No comezo do partido Sina Hetet sufría unha na sufrió unha escordadura no ligamento lateral interno do xeonllo dereito con previsión de oito semanas de baixa. Xa que a número 8 do CRAT Residencia Rialta, Sina Hetet, só ía permanecer no conxunto ata fin de ano, esa lesión supuxo o seu adeus á tempada.
Segundo informa o CRAT Residencia Rialta a intención é que a deportista poida regresar á entidade, xa recuperada, o vindeiro curso 2023-24.
De cara a suplir esta baixa, o club traballa na incorporación dunha xogadora que poida cubrir a ausencia de Sina Hetet.
Helen Roca moderará un debate do ciclo ‘Deporte para a Igualdade’
O CRAT Residencia Rialta participará no ciclo de debates Deporte para a Igualdade con motivo da conmemoración do Día Internacional da Eliminación da Violencia contra as Mujeres (25 de novembro) e o Día Internacional da Discapacidade (3 de decembro).
Helen Roca será a moderadora da mesa de debate ‘Pioneiras’ que se integra no ciclo ‘Deporte para a Igualdade’ que terá lugar mañá venres 25 de novembro desde as 17:00 horas no Fórum Metropolitano. Trátase dun ciclo organizado polo Concello da Coruña. En concreto esta cita que ten como protagonistas as mulleres pioneiras do deporte, contará coa presenza de Lis Franco, Pili Neira, Dolores Tasende, Lolo Touriño e Ángela Rodríguez.
O día 30 de novembro, baixo o lema ‘Clubs’, e tamén dentro do ciclo’Deporte para a Igualdade’, Humberto Ramírez representará ao CRAT Residencia Rialta nunha mesa moderada por Cristina Vara e coa participación de Mariña Sánchez, Bernardo Romay, Rosa Rilo e Paula López.
II Reunión Club de Empresas CRAT
Máis aló do estrictamente deportivo, CESUGA acollerá mañá, vernes 25 de noviembre ás 12:00 horas la II Reunión Club de Empresas CRAT.
Este acto, que contará coa presenza de destacados empresarios da provincia, terá como ponentes a Venancio Salcines, presidente do Consello Reitor de CESUGA, e a Pablo Gutiérrez Merelles.
O traslado dos valores do rugby ao liderado, a motivación de equipos e cultura das empresas é a especialidade de Gutiérrez Merelles e diso versará o seu relatorio. A xornada servirá como fonte de diálogo coas principais empresas coruñesas sobre as calidades que debe posuír un líder, un comercial ou situacións que se dan no mundo empresarial e similitudes de xestión que teñen o seu espello no rugby.
O CRAT coa Gran Recollida de Alimentos 2022
Ademais, esta fin de semana, os membros do CRAT formarán parte da Gran Recollida de Alimentos 2022 que organiza BALRIAL.
Tamén o día de partido CRAT Residencia Rialta contra do Majadahonda, previsto para o vindeiro domingo 27 de novembro, os integrantes do club coruñés recollerán alimentos para o Banco de Alimentos Rías Altas.
E precisamente, nese encontro da liga Iberdrola (11:30 horas no Estadio Universitario de Elviña) gardarase un minuto de silencio en memoria de todas as falecidas vítimas da violencia de xénero.
