Valdebebas acolleu o cruce entre Real Madrid e Dépor ABANCA. O partido rematou cun resultado de 3-0. Pero sobre o tepe houbo pouco fútbol, moitos goles, e máis presión para o peito das deportivistas que ven como a anhelada primeira vitoria non chega.
Con Misa na portaría e Tere Abelleira no campo até o minuto 66 o Real Madrid non tivo problemas para se desfacer dun feble RC Deportivo ABANCA. As branquiazuis non poideron contar con Cris e Kenni por lesión, tampouco con Peke por enfermidade, e Carolina Arbeláez, que se recuperou para ir convocada, finalmente non chegou a saltar ao campo, posiblemente para preservala e recuperala totalmente de cara aos vindeiros partidos.
Pese a que Sullastres tivo unha boa actuación, salvando accións como un man a man con Asllani, a portaría branquiazul remotou por ser perforada en tres ocasións.
O primeiro gol chegou cun balón colgado desde a dereita que Sofía Jakobsson colocou xusto na escadra da meta defendida por Sullastres. Nada pudo facer a cancerbeira do conxunto galego para impedir o 1-0.
Polo Dépor ABANCA tiveron ocasións Helena Torres e Iris, pero sen éxito. Mentres o tentaban as coruñesas chegou o segundo das merengues obra de Aslani que recibía un pase entre liñas de Cardona e batía de triro raso e cruzado a Sullastres.
Co 2-0 se chegaría ao descanso. Unha vez máis o Dépor ABANCA enfrontábase á necesidade de afrontar o resto do partido co marcador en contra á procura da remontada en terras madrileñas. Unha vez máis, o obxectivo non se acadaba.
O segundo tempo viviuse nun mediocampismo baleiro de perigos cara ás áreas no que o Real Madrid volvía a notar no minuto 85. De novo o gol do Real Madrid o asinaba Asllani
Son xa cinco derrotas as que suman as de Manu Sánchez que non terminan de desplegar o seu fútbol.
Logo do Real Madrid, o Sevilla en Riazor
As deportivistas voaba cara á Coruña logo do partido. Mañá xoves 5, terán día de descanso, toca repuperar folgos físicos e anímicos. O venres, volta ao traballo. Están citadas para adestrar ás 17:00 horas na Cidade Deportiva de Abegondo.
A seguinte ocasión de rematar esta mala racha na Primera Iberdrola 2020-21 será nun escenario talismán: o Estadio ABANCA – RIAZOR. Visita o coliseo herculino o Sevilla FC o domingo 8 de novembro ás 19:00 horas.
FICHA TÉCNICA
REAL MADRID: Misa, Robles, Peter, Kaci, Olga, Jakobsson, Cardona (Ubogagu, min. 80), Ivana, Teresa (Thaisa, min. 66), Asllani e Martínez (Lorena Navarro, min. 65)
RC DEPORTIVO ABANCA: Sullastres, Patri López, Bedoya, Blanco, Villegas, Ainoa, Iris Arnaiz (Lía, min. 64), Athenea (Gaby, min. 77), Alba (Eva Dios, min. 77), Lady e Helena (Michelle Romero, min. 64)
GOLES: 1-0 Jakobsson (min. 21); 2-0 Asllani (min. 28); 3-0 Asllani (min. 85)
ÁRBITRA: Sánchez Miguel (c. Catalán). Amonestou a Carmona (min. 51)
INICIDENCIAS: Partido correspondente á 5ª xornada da Primera Iberdrola disputado no campo 11 da Ciudad Real Madrid de Valdebebas. Durante o quencemento lesionouse o adestrador de porteiras do Dépor ABANCA, Fran. O preparador padece unha lesión no xeonllo.
O adestrador d #asnosas porteiras, Fran Martínez, sufriu unha importante lesión de xeonllo no quecemento do #RealMadridDéporABANCA. Moito ánimo e moita forza, Fran! pic.twitter.com/yGuZCMfSMD
— RC Deportivo (@RCDeportivo) November 4, 2020
