Triunfo importante para o Viaxes Amarelle FSF que vencía esta fin de semana ao Poio Pescamar por 6-1 no Pavillón da Sagrada Familia da Coruña.
No derbi da Primeira División de fútbol sala o triunfo quedou na Coruña@amarellefsf 6-1 @PoioPescamarfs
1-0 Chuli
2-0 Elia Gulli
2-1 Rocío Gómez
3-1 Cris Lourés
4-1 Claudia Lobo
5-1 Leti Rojo
6-1 Pau García pic.twitter.com/sLez33XWJi— En Xogo tvG2 (@EnXogo_tvG2) October 15, 2023
Para as herculinas a semana foi produtiva en canto a resultados. Primeiro chegou a vitoria copeira contra o Martos Jaén (o pasado xoves) e logo a colleitada diante das conserveiras do Poio Pescamar en Liga.
O partido estivo igualado na primeira metade, con ocasións para ambos os dous equipos, aínda que as coruñesas mostráronse máis acertadas cara a gol. Froito dese tino ante a meta rival chegaron ao descanso por diante no marcador con tantos de Chuli e Èli (2-0).
No segundo período o Poio Pescamar saíu forte e, a través de Rocío, conseguiu acurtar distancias no electrónico. As pontevedresas quixeron ir a por o partido, e en canto Cris marcou o 3-1, optaron polo xogo de cinco. Pese a que non era esa a intención de López-Tulla con esa opción, o certo é que aí acabouse o encontro.
O Viaxes Amarelle FSF soubo atopar espazos e durante os últimos minutos de xogo e foi quen de facer máis grande a vantaxe ata acadar o 6-1 definitivo.
O Poio Pescamar levaba sen perder na Sagrada Familia desde 2015. Na lista de resultados previos constan catro vitorias e un empate en partidos de liga e Copa Galicia. As vermellas aspiraban a conseguir a súa terceira vitoria neste curso pero o triunfo foi para las locais.
Novo duelo galego para o Viaxes Amarelle FSF
Bo partido colectivo do cadro que prepara Raúl Castro, Piru, que empezará a preparar desde xa outro duelo dos interesantes da categoría, será contra Ourense Ontime. Outro duelo entre galegas. Esta vez coruñesas do Viaxes Amarelle FSF terán enfronte a ourensás.
FICHA TÉCNICA
6) VIAXES AMARELLE: Leti, Cris, Carol, María León e Estela – cinco inicial – Lobo, Èli, Lau Doce, Pau, Carlita, Chuli e Ana Eliza.
1) POIO PESCAMAR: Elena, Laura Uña, Ale de Paz, Martita e Rocío – cinco inicial – Elena A., Irene, Saki, Lara, Pelé e Sandra.
GOLES: 1-0, min 4: Chuli; 2-0, min 14: Èli; 2-1, min 21: Rocío; 3-1, min 22: Cris Lourés; 4-1, min 37: Leti Rojo; 5-1, min 38: Claudia Lobo; 6-1, min 39: Pau.
EQUIPO ARBITRAL: Daniel López López, borja Darriba Villamor, Sergio Piñeiro Rivas e Antía Cabanas Barja. Amonestaron con cartón amarelo ás locais Cris Lourés, Carmen Noreña, Paula García, así como a Raúl Castro e Diego Rodríguez. No cadro visitante viu cartón amarelo Laura Uña.
INCIDENCIAS: Polideportivo Municipal da Sagrada Familia na Coruña.
