Este fin de semana, xógase a xornada nove na Liga Guerreiras. Non hai parón por Nadal, polo que o Atlético Guardés recibe na A Sangriña ó BMC Liberbank Gijón e o Conservas Orbe BM Porriño vai ata Málaga. Verase a Rincón Fertalidad Málaga.
A Sangriña volverá a ruxir co Atlético Guárdes
Este fin de semana (o sábado 28 de decembro, ás 19.00 horas) o Mecalia Atlético Guardés recibe no pavillón de A Sangriña ó BMC Liberbank Gijón.
As de José Prades queren seguir coa racha de partidos. Levan cinco vitorias seguidas. A última, ante o Helveltia BM Alcobendas. Esta xornada, a novena, veranse ás caras o BMC Liberbank Gijón.
O equipo xixonés é cuarto na clasificación da máxima categoría de balonmán. Están empatadas aos mesmos puntos coas do Baixo Miño: 12. E suman tamén as mesmas vitorias, seis, e as mesmas derrotas dous.
A semana anterior gañaron na súa casa, cunha diferencia de seis goles, ante o Rincón Fertilidad de Málaga. O rival do Porriño.
Para completar o día, o club e a afección rendirán unha homenaxe ao técnico do Guardés, José Prades. Pola medalla de prata acadada coas ‘Guerreiras’ no Mundial de Xapón.
DATOS DE INTERESE
CAMPO: Pavillón de A Sangriña (A Guarda).
ÁRBITROS: Rafael Alberto García Mosquera e Alberto Rodríguez Rodríguez.
INCIDENCIAS: Partido correspondente a xornada nove entre o Mecalia Atlético Guardés e o BMC Liberbank Gijón.
Viaxe longo para o Conservas Orbe BM Porriño
Tamén o sábado e a mesma hora (28 de decembro, ás 19.00 horas) xoga o outro equipo galego que compite na Liga Guerreiras. O Conservas Orbe BM Porriño viaxa ata Málaga. Alí, no pavillón de Ciudad Jardín, enfrontaranse ó Rincón Fertilidad Málaga.
O equipo local ésta por riba das de Porriño. Precisamente no sexto posto. Suman 10 puntos con cinco partidos gañados e tres perdidos. A semana anterior, perderon ante o rival do Guardés por 32 a 26. Ademais, como apunta para As Nosas o adestrador do Porriño,Isma Martínez, fixeron unha plantilla moi amplia de moito nivel.
Non obstante, as porriñenses veñen de perder na xornada anterior. Na táboa encóntranse novenas, a tres puntos do pechacancelas, ó Zubileta Evolution BM Zuazo. Contan con algún baixa máis, aparte das que tiña. Isma Martínez dixo que foi unha semana de traballo un pouco estraña polas festas pero que a plantilla viaxa con moita ilusión.
DATOS DE INTERESE
CAMPO: Pavillón de Ciudad Jardín (Málaga).
ÁRBITROS: Sebastián Fernández Molina e Alberto Murillo Castro.
INCIDENCIAS: Partido correspondente a xornada 9 entre o Rincón Fertilidad Málaga e o Conservas Orbe BM Porriño.
