Coa segunda praza recentemente perdida e sen poder pasar por Galicia, o Poio Pescamar chega a terras catalás para xogar contra o Penya Esplugues. O partido será este venres, 12 de marzo, ás 20:30 horas.
Este é o duelo correspondente á última xornada, pero as pontevedresas aínda terán un compromiso máis antes de entrar na segunda fase. O domingo da próxima semana, as galegas recibirán ao Futsi Atlético, líder do Grupo A.
Antes, este partido coas madrileñas prevíase como a loita polo primeiro posto, pero despois de perder este mércores ante o STV Roldán, o Poio é o terceiro clasificado.
O Poio cae á terceira posición ao perder ante o Roldán (4-1)
O Poio prepara a segunda fase
Porén, pase o que pase nestes últimos encontros, as galegas teñen asegurada matematicamente a súa presenza entre os catro primeiros do Grupoa A de cara a seguinte fase.
Así, Futsi, Roldán, Poio Pescamar e o Ourense Envialia loitarán polo liderado da máxima categoría do futsal español contra os catro mellores do Grupo B, no que están as galegas do Pescados Rubén Burela.
Con todo, primeiro ten que finalizar a primeira fase da competición e con ela disputar o partido co Penya Esplugues. Para a segunda parte os equipos arrastran a puntuación conseguida previamente, polo que vencer ás catalás segue a ser un obxectivo importante este venres.
PRIMERA DIVISIÓN | nuestra primera plantilla ya se encuentra en tierras catalanas para la disputa mañana de una nueva jornada ante Esplugues. Agradecer el trato de @FSC_oficial y su presidente @juanjocapdevila . pic.twitter.com/Jbk24PMC7K
— Poio Pescamar FS (@PoioPescamarfs) March 11, 2021
A priori, este non será un duelo complicado para as galegas. O Penya é sexto clasificado, con 10 puntos obtidos en tres vitorias, un empate e oito derrotas. Son ademais o equipo menos goleador do seu grupo, con só 18 tantos a favor, pero tamén son o equipo que menos recibe da metade baixa, con 31 goles en contra.
Para este duelo, Manu Cossío ten á súa diposición a todo o seu plantel, aínda que Caridad se atopa entre algodóns.
