A Primeira División de Fútbol Sala está a piques de rematar e o calendario apreta para recuperar os encontros adiados. É o caso que ten por diante o Ourense Envialia, que xogará este luns, 15 de febreiro, ás 20:00 horas, contra o Teldeportivo.
Ambos equipos xogarán a undécima xornada, adiada no seu día polos casos positivos en COVID-19 que sufriron as galegas. O partido disputarase nos Remedios a porta pechada (polas restricións vixentes a causa da pandemia), pero será retransmitido vía streaming a través do Youtube do Envialia.
Oportunidade para o Envialia de sumar os tres puntos
Neste duelo, as xogadoras dirixidas por Morenín deberán recuperarse da derrota sufrida o pasado sábado ante o STV Roldán. Tamén deberán mentalizarse para vencer ao Teldeportivo, un equipo que só suma un punto no seu haber, obtido nun empate ante as tamén ourensás do Cidade de As Burgas.
Pero o cansancio que poden arrastrar no plantel ourensán é comparable ao que sufrirán as canarias. Ademais da viaxe a Galicia, o Teldeportivo tamén ten o último partido recente. Foi o pasado sábado, na derrota que sufriron en casa ante un imparable Poio Pescamar.
Atendendo a este panorama, o partido deste luns semella unha boa oportunidade para que as galegas se rediman da sensación de derrota da pasada fin de semana.
As ourensás venceron na ida
O Ourense Envialia é un dos equipos que engrosan a lista de derrotas nesta tempada no casilleiro das canarias. No partido de ida, celebrado na segunda xornada, a vitoria decantouse do lado galego.
A final de outubro do 2020, as ourensás sumaban a súa segunda vitoria, na segunda xornada de Liga, finalizando o partido ante o Teldeportivo cun 0-1 no marcador.
As convocadas
Para o duelo da segunda volta, Morenín citou ás seguintes xogadoras:
- Morama
- Chky
- María
- Laura Uña
- María Arias
- Iria Saeta
- Marta
- Judith
- Carmen
- Susana
- Vane
- Alexandra
- Jenny Lores
CONVOCATORIA // 1ª DIV // P.APLZ.J.11 // 15/02 · 20:00H // PAB. OS REMEDIOS //OURENSE ENVIALIA FSF · @Teldeportivo
¡IMOS Ó LÍO CHICAS!#ourensEnvialia #ubuntu #imosOlio #copadelareina #morraOconto #libresParaSer #hastaElUltimoAliento #futsal #futsalfemenino pic.twitter.com/nrfVioQLZK
— Ourense Envialia FSF (@OUenvialiaFSF) February 15, 2021
