O CB Arxil non ten tempo para descansar e, despois de xogar o partido ante o Celta Zorka Recalvi da 16ª xornada, recibe ao GDKO Ibaizabal o domingo, 17 de xaneiro, recibirá ás 12:00 horas ao LF2 de baloncesto. Este partido recuperá así o aprazado da quinta xornada, que non puido ser disputada pola COVID-19.
Esta será unha oportunidade para que as verdes medren na categoría, xa que como locais a súa efectividade é maior. De vencer, sería o terceiro encontro disputado en casa que gañan, despois de derrotar a ADBA e ao Maristas Coruña.
No Arxil xa comeza a preocupar a táboa
A metade da competición xa está rematada e por iso, malia que queren seguir coa dinámica de ir partido a partido, no Arxil xa apuntan á importancia de atender á clasificación.
Nela, as pontevedresas son duodécimas, tras lograr catro vitorias nos 13 partidos disputados. O seu rival para o domingo, o Ibaizabal, está nunha mellor posición, no oitavo posto con seis vitorias.
Ao estar separadas só por tres puntos, unha vitoria verde sería vital para aumentar as posibilidades de permanencia das galegas. Para logralo, o equipo dirixido por Maite Méndez confía no seu xogo como bloque e nas melloras tanto en defensa como en ataque.
No lado rival, varias baixas ameazan con baixar o nivel do xogo do Ibaizabal. O pasado mes de decembro, a portuguesa Joana Alves lesionouse, sendo baixa para os seguintes encontros. Nese mesmo mes, Peyton Ferris anunciaba a súa retirada por problemas no xeonllo e, en xaneiro, uníase á lista de baixas Laura Arroyo.
Con todo, as vascas incorporaron a Ainara Ramasco, a máxima asistente do conxunto na súa historia nas competiciones da FEB, e a Nerea Vázquez. Dúas xogadoras que non poderán disputar este encontro, ao non ter ficha no momento do aprazamento.
O Ibaizabal chega despois de xogar o día anterior contra o Ulla Oil Rosalía. O propio adestrador do equipo compostelán xa apuntaba en rolda de prensa ao alto nivel das vascas, e de xogadoras como Juana Molina ou Koskimies. Outras baloncestistas ás que as galegas deben vixiar son Rebeca Cotano, Laura Marco e a exceleste Helmi Tulonen.
Este partido entre Arxil e Ibaizabaldisputarase ante 60 persoas e retransmitirase vía streaming no Canal FEB.