Chega ao Pazo dos Deportes de Lugo un Valencia BC ferido e necesitado de vitorias. As galegas do Durán Maquinaria Ensino coñecen as características dun rival que, pese as baixas, segue a ser “un transatlántico” como apuntaba na previa Suso Garrido, 2º adestrador do conxunto galego.
O cruce terá lugar hoxe, sábado 5 de novembro a partir das 19:45 horas. Arbitrarán os colexiados Guillermo Ríos Marcos, Juan Ramón Hurtado Almansa e Joan Fanes Marginet. O partido retransmitirase pola canle da FEB pero tamén por Teledeporte.
Nas locais é dúbida Paula Ginzo, con molestias. Pero onte agardábase que si entrase na convocatoria. Nas filas do conxunto visitante está a galega Raquel Cabrera. Nas filas locais será un momento para o reencontro de Lorena Segura, que chegaba este curso a Lugo procedente, precisamente, do Valencia BC.
Xogar a EuroLeague Women e Liga Endesa está a pasar factura ao Valencia BC
O equipo que adestra Rubén Burgos ten sobre as súas costas a esixencia de xogar competición europea. A doble competición e as baixas están a pasarlle factura a un conxunto que, ata o de agora, levan dous partidos gañados e tres perdidos. Moi lonxe do esperado para un equipo que xoga competición internacional.
Pero o certo é que xa se viron as caras con clubs como o Perfumerías Avenida ou o Spar Girona. Ademais xogaron a Supercopa LF Endesa e a EuroLeague Women. Así que a carga de minutos leva aparellada unha carga física e mental importante que fai que o arranque de nesta Liga Endesa estea a ser costa arriba para o Valencia BC.
O conxunto que prepara Rubén Burgos venceu unicamente o Casademont Zaragoza e o Movistar Estudiantes. Perderon co Perfumerías Avenida, Spar Girona e Kutxabank Araski. Precisan, con urxencia, remontar postos na táboa na competición doméstica. Agora mesmo son 12ª. Por contra, as galegas do Durán Maquinaria Ensino que adestra Antonio Pernas ocupan a sétima praza con tres partidos gañados e dous perdidos. Xusto ao revés das súas contrincantes nesta sexta xornada da Liga Endesa.
A última derrota das valenciás foi na EuroLeague Women contra do ZVVZ USK Praha. Animicamente non se poden permitir unha terceira derrota consecutiva. Así que son unhas leoas ferida.
Así fue la gran que vivimos anoche en la Fonteta ⚔
Luchando hasta el último segundo del partido
J2 @EuroLeagueWomen@valenciabasket 76
@ZVVZUSKPRAHA 83
@pamesaceramica pic.twitter.com/XHP1e73VHa— Valencia Basket Club (@valenciabasket) November 3, 2022
O Valencia non poderá contar con xogadoras importantes
As baixas están golpeando ao conxunto laranxa. Non estarán Rebeca Allen, Alba Torrens, Noa Morro e Cris Ouviña. É dúbida a incorporación na convocatoria de Laia Lamana que xa está adestrando.
Precisamente sobre as ausencias e a esixencia (pola dobre competición) que acusa o Valencia BC, falaba Suso Garrido na previa. O segundo adestrador do Durán Maquinaria Ensino considera que a situación do rival desta xornada das lucense é consecuencia “dunha mestura de todo. Non se se é a falta de Cristina Oubiña na dirección, por que Salvadores está a asumir moitos tiros e estao asumindo ben. Si que pode ser que se note a baixa de Alba Torrens e Rebeca Allen. Son moi importantes, pero creo que se están contrarrestando moi ben as baixas, a pesar das derrotas. Son xogadoras importantes, pero que eu creo que é un cúmulo de todo, das rotacións e da acumulación de minutos”.
Suso Garrido: “Imos sen medo sabedoras do fortes que podemos ser na casa”
Apuntaba na previa Suso Garrido que na súa opinión: “Ao Valencia pásalle como moitos equipos que dobran competición e que ten lesionadas, que ten un partido, pouco tempo para recuperar, un pouco tempo para preparar, pero estamos a falar dun transatlántico de España e de Europa, a pesar das baixas se les o resto do roster e é un equipo incrible. Por tanto, aínda que teñan esas baixas sabemos que vai ser moi, moi complicado. Imos sen medo porque en casa sabemos o fortes que podemos ser”.
Rubén Burgos, adestrador do Valencia BC: “Preocúpanos a intensidade do Ensino”
Na súa análise previa ao partido, Rubén Burgos, adestrador do Valencia BC, declaraba que esperaban “chegar concienciadas do esixente que será este partido tamén. O nivel da liga española está cada vez máis alto”.
Sobre o custo da dobre competición o adestrador explicaba: “A Euroliga ten unha peaxe que é o esforzo e o desgaste, pero estamos a traballar con isto. Espero que cheguemos nunha porcentaxe alta físico e mental para poder competir ao máximo o partido”.
Sobre o Durán Maquinaria Ensino manifestaba o técnico do Valencia BC que ve a un equipo: “cargado de ilusión, de xogadoras novas con fame, que se complementaron moi ben cun trío de estranxeiras bastante solvente. Por iso é polo que non sexa casualidade o nivel que están a dar”.
Confesaba o técnico do Valencia BC: “Preocúpanos a súa intensidade, a súa preparación de partido e que é un equipo que alterna distintos tipos de defensa con solidez e alegría en xogo ofensivo. Así que imos xogar as nosas cartas e o noso xogo colectivo e esforzo, como sempre, para ter opcións de vitoria”.
