As colexiadas de 1ª División Elena Casal Fernández, Beatriz Cuesta Arribas e Eugenia Gil Soriano, e as asistentes Tania Fente Pena, Lorena Novas Benavides e Iria Rosendo González finalizaron esta mañá o terceiro seminario da tempada tras dous días concentradas na Cidade do Fútbol das Rozas, en Madrid. Todas superaron onte os controis físicos. Zulema González González non puido asistir ao seminario ao ser designada como 4ª árbitra na final da Supercopa que se xogou esta mañá en Salamanca.
Neste fin de semana tamén se levou a cabo a primeira quenda dos árbitros de 2ª B, onde foron citados Rubén Eiriz Mata e Alberto Gómez Lameiro, que superaron os controis físicos. Estiveron acompañados polo director técnico do CTGAF Julio Amoedo Chas.
Pola outra banda, os árbitros asistentes de 1ª División Alfonso Costoya Rodríguez e Diego Sánchez Rojo asistirán o 12 e 13 febreiro; os árbitros de 2ª División Javier Iglesias Villanueva e Alejandro Muñiz Ruiz e os asistentes Fabián Blanco Rodríguez, Adrián Díaz González, Ricardo Landrove Lago, Enrique Ramos Ferreirós e Abraham Pérez Dapía acudirán o 11 e 12 de febreiro; o árbitro de 2ª B Daniel Pastoriza Iglesias asistirá a un turno especial o día 12 de febreiro, e finalmente os árbitros de 2ªB José Antonio Fernández Rodríguez e Miguel Ferrol Muñiz acudirán o fin de semana do 15 e 16 de febreiro.
Unha galega na final da Supercopa
A colexiada Zulema González foi a representante do fútbol galego na final da Supercopa feminina en Salamanca exercendo de cuarta árbitra. A galega formou o cuarteto arbitral xunto a Marta Huerta De Aza, del comité tinerfeño que foi a árbitra principal e as asistentes, Eliana Fernández Gónzalez (C. asturiano) e Silvia Fernández Pérez (C. cántabro).
