Nesta xornada da Liga Feminina 2, todos os equipos galegos xogaran fóra da casa. No caso das de Vilagarcía de Arousa, o Cortegada, viaxará ata o País Vasco para enfrontarse a Ibaizabal. O Arxil, despois da racha de dúas vitorias consecutivas visita o líder en solitario da competición, o Movistar Estudiantes.
No caso das da cidade departamental, o Baxi Ferrol, irá a comunidade veciña —concretamente a Avilés— a enfrontarse o penúltimo da táboa, o ADBA. As de Cristina Cantero, o Celta Zorka Recalvi, volve a xogar o domingo, ante o Añares Rioja.
O Cortegada viaxa ao País Vasco en busca da vitoria ante o Ibaizabal
Partido moi compricado para o A.D. Cortegada esta xornada. Aínda así o seu rival atópase nunha situación moi parecida as galegas. O sábado (8 de febreiro, ás 19.00 horas) viaxan ata o País Vasco para enfrontarse ao GDKO Ibaizabal.
As de Vilagarcía de Arousa son duodécimas na clasificación con 20 puntos. Atópanse a catro do pechacancelas, o Pozuelo. Nestes últimos partidos levan catro derrotas sendo a última ante o Añares Rioja. O seu contrincante, o Ibaizabal, a pesar de ser quinto con 27 puntos —empatado co Pacisa Alcobendas e o Laboratorios Ynsadiet Leganés— leva tres partidos sen coñecer a vitoria. O último ante o Sinergia Canoe.
Pero as vascas xa saben como xogan as arousás. No encontro da ida, disputado no pavillón de Fontecarmoa, leváronse a vitoria por un 58 a 73. Onde a letona Marta Miscenko, ex do Baxi Ferrol, fixo un total de 21 puntos.
DATOS DE INTERESE
DÍA E HORA: 8 de febreiro, ás 19.00 horas.
CAMPO: Polideportivo Urreta – Galdakao (Vizcaia).
ÁRBITROS: Imanol Diz Felipe e Manuel Berbeira Oria.
INCIDENCIAS: Partido correspondente a xornada 17 da Liga Feminina 2 no que enfrontará ao GDKO Ibaizabal contra o A.D. Cortegada no Polideportivo Urreta de Galdakao, Vizcaia.
O Arxil deixa o CGTD para xogar ante o líder, o Movistar Estudiantes
Nese mesmo día (8 de febreiro, ás 19.30 horas), media hora máis tarde, dará comezo o partido do Arxil. Con cinco vitorias e once derrotas enfrontaránse o líder da Liga Feminina 2, ó Movistar Estudiantes. As da capital son primeiras con 15 vitorias e unha derrota.
O equipo pontevedrés chegan á pintura madrileña tras unha racha de dúas vitorias consecutivas nun bo momento como demostrou na última vitoria no CGTD ante o ADBA. Como indica a súa adestradora, Maite Méndez, “o equipo está competindo moito mellor e adestrando nunha boa dinámica”.
Para o seu plantel apunta que “é un reto poder volver a competir sobre todo fóra da casa. Houbo salidas nas que non estiveron a tope debido a que non estaban descansadas e querían cambiar esa dinámica“. Saben que o líder atópase “nun momento intratable como demostra o seu último resultado ante o Pozuelo (27-82)”.
No partido de ida, as pontevedresas deron a cara e non deixaron que se foran cunha gran vantaxe da cidade do río Lérez, cun 63 a 68. No cal gañaron o segundo e o cuarto tempo cun 14-12 e 20-11. Carla Fernández, Cris Díaz Pache e Heather Forster fixeron todo o posible para frenalas con 15 puntos cada unha.
En canto o rival, Méndez indica que “o seu xogo interior con a variedade que teñen coas catro xogadoras está sendo moi dominante, mando ó resto do equipo de como facer as cousas”.
“Logo teñen a Judy Jones que desde o alero está sumando moitos puntos e está ben acompañada polo resto de exteriores. É un plantel longo e son moi regulares. Espero que sepamos defender ben e pechar o rebote, algo que nos podemo axudar a competir”, conclúe a adestradora do equipo de Pontevedra.
DATOS DE INTERESE
DÍA E HORA: 8 de febreiro, ás 19.30 horas.
CAMPO: Pavillón Antonio Magariños – Madrid
ÁRBITROS: Ángel González Zumajo e Alejandro García Salardon.
INCIDENCIAS: Partido correspondente a xornada 17 da Liga Feminina 2 no que enfrontará ao Movistar Estudiantes contra o C.B. Arxil no Pavillón Antonio Magariños en Madrid.
Semana doada para o Baxi Ferrol ante o penúltimo da táboa
O Baxi Ferrol atópase nun bo momento nesta segunda volta da Liga Feminina 2. As da cidade departamental non teñen un viaxe moi longo, irán o sábado (8 de febreiro, ás 20.00 horas) a comunidade veciña para enfrontarse en Avilés ante o ADBA.
As ferrolás cada vez están máis preto da fase de ascenso con catro vitorias nos últimos partidos. Ademais están empatados a puntos co Sinergia. As asturianas, sen embargo atópanse nunha situación crítica. Son décimo terceiras con 18 puntos e levan unha racha de dúas derrotas, sendo a última ante o Arxil.
Na xornada 4, na Malata, o Uni non llo puxo nada doada. Estiveron apunto de rozar os 100 puntos cun electrónico de 50 puntos de diferenza: 91-41. A máis sobresaínte dese partido foi Jenna Allen con 19 puntos.
DATOS DE INTERESE
DÍA E HORA: 8 de febreiro, ás 20.00 horas.
CAMPO: Complexo Deportivo Avilés – Avilés (Asturia)
ÁRBITROS: Jorge González Escobar e Alejandro Velasco Sánchez.
INCIDENCIAS: Partido correspondente a xornada 17 da Liga Feminina 2 no que enfrontará ao ADBA contra o Baxi Ferrol no Complexo Deportivo Avilés.
Catro puntos de diferenza separan ó Rioja do Celta na Liga Feminina 2
O cadro celeste, pola súa banda, xoga o domingo (9 de febreiro, ás 11.00 horas). Pon o mesmo rumbo que o A.D. Cortegada. Elas, en Azkoitia, enfrontaranse ao Añares Rioja.
Catro puntos de diferenza separan as locais do Celta Zorka Recalvi. As de Cristina Cantero son setimo trala contudente vitoria ante o Patatas Hijolusa sobre o que puxo pés de por medio con 2 puntos de distancia. O Añares Rioja é novena con 22 puntos. Veñen de perder ante Ynsadiet Leganés.
En Navia, as viguesas impúxose por un 69 a 60 onde destacaron a MVP de asisntencias da xornada anterior Anne Senosiain con 11 puntos e Elo Edeferioka con a mesma puntuaxe.
DATOS DE INTERESE
DÍA E HORA: 9 de febreiro, ás 11.00 horas.
CAMPO: Polideportivo de Azkoitia –Azkoitia (Guipúzkoa)
ÁRBITROS: Iñaki Luquin Llorente e Jon Barradas Sesma.
INCIDENCIAS: Partido correspondente a xornada 17 da Liga Feminina 2 no que enfrontará ao Añares Rioja ISB e o Celta Zorka Recalvi no Polideportivo de Azkoitia.
