A árbitra Selina Álvarez Blanco e a árbitra asistente Natalia Edith Pereyra son a representación da arbitraxe galega no Torneo Xuvenil Feminino que se está celebrando no Municipal Ángel Nieto de Boadilla del Monte (Madrid) con todos os equipos da liga F, que sirve para a educación e formación das futuras árbitras, tal e como publica a RFGF.
Desde o martes 20 e ata este domingo 25 de maio máis de 50 árbitras e árbitras asistentes de categorías de formación están a dirixir os 31 partidos dos que consta esta segunda edición do Torneo Xuvenil Feminino. Un gran escaparate para seguir de preto a evolución das colexiadas que nun futuro moi próximo chegarán á máxima categoría.
A partir dos cuartos de final do torneo, as árbitras encargadas de dirixir os partidos cruciais do campionato xuvenil son da categoría de Primeira Federación feminina, como é o caso da árbitra galega Selina Álvarez Blanco, o chanzo previo antes de alcanzar a arbitraxe profesional.
Yolanda Parga, responsable da arbitraxe feminina dentro do Comité Técnico da Real Federación Española de Fútbol, xunto co equipo técnico, está a seguir moi de preto a estes novos talentos da arbitraxe.
