Galicia vai ser neste mes o epicentro do fútbol sala feminino de base estatal ao acoller o CESA para as categorías Sub-12 e Sub-14. A RFGF fixo públicas as convocatorias das Seleccións Galegas de ambas as dúas categorías para esa competición. En total 13 futbolistas están citadas para cada unha das Irmandiñas.
A Real Federación Española de Fútbol (RFEF) concedeu a Galicia a organización do Campionato de España de Seleccións Autonómicas (CESA) Sub-14 e Sub-12 femininas de fútbol sala, unha cita deportiva que vai celebrar do 6 ao 10 de marzo no sur da comunidade. Sanxenxo, Meaño e Poio serán as sedes nas que se desenvolva a competición.
O pavillón municipal de Baltar, o pavillón de Dena e o pavillón da Seca, en Poio, serán os tres escenarios nos que se dispute este Campionato de España Su-14 e Sub-12 feminino de fútbol sala entre o 6 e o 10 de marzo.
Serán en total 14 federacións autonómicas representadas e 24 seleccións as que participen nesta competición nacional que congregará a preto de 500 deportistas e técnicos, así como a un bo número de familiares que se desprazarán ata a Galicia para seguir a competición en directo, supoñendo un importante impacto económico e turístico nunha época baixa no que a turismo se refire.
Un total de 26 futbolistas nas convocatorias das Seleccións Galegas
De cara a esta cita do Campionato de España de Seleccións Autonómicas (CESA) Sub-14 e Sub-12 femininas de fútbol sala, no que estarán as dúas Seleccións Galegas, Galicia afrontan a cita coa máxima ilusión.
As nosas concentraranse este martes para preparar con todo detalle a nosa estrea na competición, que terá lugar o mércores 6 de marzo.
- Convocatoria da Selección Galega Sub-12:
- Convocatoria da Selección Galega Sub-14
Ao respecto do calendario de partidos, sedes e horarios, a Real Federación Galega de Fútbol (RFGF) detalla que estes son os grupos e o calendario de competición:
- Grupos
- Calendario
O CESA poderá seguirse en directo
Todos os partidos desta cita nacional serán retransmitidos en directo, como vén sendo habitual, a través da canle de Youtube da Real Federación Española de Fútbol.
Podes ver todos os partidos premendo na seguinte ligazón: DIRECTOS
A seleccionadora estatal absoluta presenciará o campionato
A RFEF (Real Federación Española de Fútbol) confirmou que a adestradora Clàudia Pons, seleccionadora estatal absoluta de fútbol sala feminino, estará presente no CESA. Nesta cita da base a técnica vai ter a ocasión de ver ás xogadoras que dentro duns anos defenderán as cores da Selección Española de fútbol sala feminino nas competicións internacionais.
