As Seleccións Galegas de Fútbol Sub-15 e Sub-17 femininas afrontan a recta final da preparación, segundo informa a Federación Galega de Fútbol. As nosas volverán vestir de curto a próxima semana co obxectivo de continuar puíndo detalles para as convocatorias definitivas que representarán a Galicia na primeira fase do Campionato de España que terá lugar en Galicia do 1 ao 3 de abril.
Partido para a Selección Galega Sub-17
O combinado que dirixe o técnico Quin Valbuena disputará o martes 15 de marzo a partir das 19 horas un encontro amigable ante o RC Deportivo ABANCA B na Cidade Deportiva de Abegondo.
As futbolistas convocadas para o combinado galego Sub-17 son as seguintes:
Achegan futbolistas á Selección polo tanto: Atlético Arousana, EFF Rosalía, Orzán SD, RC Deportivo, UD Mos, UD Ribera, Umia UC, Viajes Interrías Ff, Victoria CF e Victoria FC.
Adestramento da Irmandiña Sub-15 o mércores 16
A selección Sub-15 que prepara a adestradora Vicky Vázquez, pola súa banda, realizará a primeira toma de contacto co escenario do torneo. A Selección Galega sub 15 traballará no campo municipal de Pastoriza, no Concello de Arteixo, o próximo mércores día 16 a partir das 17.30 horas.
As futbolistas convocadas para este adestramento son as seguintes:
Deste xeito, os clubs que achegan futbolistas á Irmandiña Sub-15 son: AJ Lérez, Bergantiños FC, Orzán SD, Porriño Industrial, Sárdoma CF, UD Mos, UVCD Candeán, Vitoria FC, Victoria CF e Umia CF.
Galicia será sede do Campionato de España en abril
Canarias e Extremadura. Estes serán os rivais das Irmadiñas Galegas Sub-17 e Sub-15 femininas na primeira fase do Campionato de España de Seleccións Autonómicas. Esta primeira fase disputarase do 1 ao 3 de abril no moderno campo de fútbol de Pastoriza, no Concello de Arteixo.
