A Selección de Galicia proclamouse subcampioa de España no CESA (Campionato de España de Seleccións Autonómicas) da Federación Española de Rugby, logo de caer derrotada no partido final ante a Selección de Catalunya. O tanteo definitivo do encontro foi de 22-5 para as catalás.
Ben amunt Paula ⬆️🏆
💛♥️💛♥️💛♥️💛♥️💛 pic.twitter.com/Gf4pFMcj8U— Federació Catalana de Rugby (@rugby_cat) February 25, 2023
Xa na primeira metade Galicia perdía de 12. Sobre esa renda fíxose forte a Selección de Catalunya que se proclamaba campioa no CESA de rugby feminino para categoría senior deste ano 2023.
🚨 Final no #CESAXV #Senior #Feminino
🏉 @rugby_cat 22- 5 @RugbyGalicia
🏆 Parabens @rugby_cat , gran partido dominado dende o inicio #RugbyGalego pic.twitter.com/vKOfIdUKul
— Fed. Galega de Rugby 🏉 (@RugbyGalicia) February 25, 2023
Este foi o segundo ano que, de xeito consecutivo, a Selección de Catalunya se proclamaba campioa do CESA de rugby senior feminino. A final medía ao equipo dirixido por Mario Sans contra a Selección de Galicia no campon Nou Santa Bárbara de Sitges. O resultado definitivo de 22-5, estivo marcado por unha primeira metade na que as catalás xa vencían por 12-0.
Ordenadas, cun ataque intelixente e agresivo e un gran traballo en defensa, Catalunya foi acumulando puntos que ata sumar esa dúcia no camiño a vestiarios que marcaba o fin da primeira metade.
No segundo acto, a Galicia saíu a por todas. Presionaron as branquiazuis buscando darlle a volta ao marcador pero a Catalunya mantivo a calma e no recuou.
Un ensaio de Jessica Martín puña a Galicia un pouco máis preto de voltear o resultado (17-5). Cero nervios nas filas catalás que seguiron sumando e alzaron a copa de campioas sobre o céspede do Nou Santa Bárbara de Sitges. A capitá Paula Xutglà, erguía o trofeo por segundo ano consecutivo.
Galicia facíase cun meritorio título de subcampioa do CESA 2023.
