Fantástico papel o que tivo a Selección Galega Sub18 de atletismo en terras navarras onde disputou o Campionato de España. A expedición galega ocupou un destacado cuarto lugar, quedando ás portas de subirse ao podio en Pamplona. Entre as atletas femininas destacan os ouros para María Pena en xavelina e Alba Cuns en Triplo salto, así como a prata para Lola Bouza en salto con pértega e bronce para Paula Piñon en lanzamento de disco.
Segundo fixo pública a Federación Galega de Atletismo “Galicia ocupou un destacado cuarto posto, nunha clasificación bastante axustada na que apenas cinco puntos a separaron do terceiro combinado, Andalucía, e oito do segundo, Castela León. A cita deportiva estivo dominada pola Selección catalana. Este posto de Galicia mellora ampliamente o oitavo lugar conseguido o ano pasado en Getafe”.
Detalla a FGA que da competitividade da nosa selección “dá boa conta os catro triunfos colleitados, todos eles nos concursos, da man de Alba Cuns en Triplo con 12.19 m., María Pena Ferreiro na xavelina con 42.01 m., Samuel Lema no peso con 14.87 así como a de Eric Méndez en martelo con 63.16″.
Lola Bouza logrou de igual modo un excelente segundo posto en pértega con 3.50 m. como excelente sería o terceiro posto de Paula Piñón en disco con 30.66 m.
Outros postos dos integrantes da Selección Galega
O resto de actuacións quedaría da seguinte maneira: 4º posto para Javier Giménez nos 100 m. con 11.22, Jorge Román nos 400 m. con 50.14 e Iker González nos 1.500 con 4:04.76; 5º Hugo Vázquez nos 400 valos con 57.21; 6ª Lucía Sánchez Del Valle nos 100 valos con 15.27 e Adrián Villares na lonxitude con 6.40 m.; 7ª Sofía Campos nos 5.000 marcha con 30:03.95; 8ª Carmen Victoria González nos 800 m. con 2:21.85, Hugo Suárez nos 2.000 obstáculos con 6:32.50 e Nicolás Arias en altura con 1.76; 9ª Isabel Caeiro nos 3.000 m. con 11:20.32 e 9ª María Fernández nos 200 m. con 26.49
Nos relevos mixtos a Selección Galega ocupou o quinto posto nos 4×400 m. e o noveno no 4×100 m.
Estritas medidas sanitarias de prevención contra a COVID-19
Esta cita deportiva estaba enmarcada dentro no programa #GeneracionAtletismo, tal e como informa a RFEA. Este programa conta co gran apoio de GoFit, patrocinador oficial da Federación Española de Atletismo. Primou a protección da saúde de todas as persoas presentes nas instalacións, polo que se contou con estritas medidas sanitarias e de prevención contra o COVID-19.
A competición desenvolveuse sen asistencia de público e só accededieron as persoas previamente acreditadas. O uso de máscaras, obrigatorias en todas as instalacións, os protocolos de limpeza, desinfección e hixiene en espazos e material de competición, a toma de temperatura nos accesos e a distancia de seguridade mínima de 1,5 m en todo o estadio son algunhas das medidas que levaron a cabo. Así mesmo, houbo un ‘Equipo protección COVID-19′, cuxa misión foi velar polo cumprimento do protocolo AntiCOVID.
CONSULTA OS RESULTADOS DO VI CAMPIONATO DE ESPAÑA DE FEDERACIÓNS AUTONÓMICAS SUB18
En 15 días, Campionato de España Sub 18
As atletas de categoría sub18 volverán ter protagonismo competitivo dentro de dúas semanas. Para esa data, en concreto nos días 17 e 18 de outubro, está prevista a disputa do LXIX Campionato de España Sub18. O escenario designado para este campionato estatal é a Pista de Atletismo de Camp Clar de Tarragona. Alí acudirán destacadas atletas de diferentes puntos de España entre as que haberá galegas. As deportistas loitarán nas pistas de Tarragona polo título individual e ademais o poderán facer tamén na proba de velocidade de relevos 4x100m.
