Este venres comezaba a a fase previa do Campionato de España de Fútbol Sala e a Selección Galega Feminina Sub 16 non se puido estrearse cunha vitoria. O Pavillón Municipal de Betanzos acollía este gran encontro entre galegas e madrileñas e tras empatar o encontro por 2-2 a sorte estivo de lado das de Madrid na lotería dos penaltis.
O partido comezaba con moita igualdade, pero sen claras ocasións, co xogo principalmente polo centro da pista. Co paso dos minutos as visitantes subian as súas liñas de presión, chegando a encerrar ás galegas na súa área, pero as de Chipi estaban realizando un bo traballo defensivo, coma tamén de Uxía baixo paus.
Cando peor o estaban pasando as galegas, Uxía sacábase da manga un balón longo dende a súa área a Andrea, quedándose soa diante da cancerbeira da selección madrileña, logrando caneala na área e anotar a porta baleira o 1-0.
Tras este gol, Madrid continuaba presionando a toda pista, pero Galicia modificaba a súa estratexia, presionando tamén, obrigando ás madrileñas a replegarse en media pista. As galegas estaban tendo os seus mellores minutos e mostra delo era o balón ao pau que enviaba Fara dende o borde da área, aínda que eran as madrileñas quenes tiña a súa gran oportunidade na recta final neste periodo cun tiro de Olea dende a frontal da área por raso que lograba despexar Uxía cunha gran man, polo que con esta vantaxe mínima de Galicia o encontro íase ao descanso.
Tras o tempo de lecer a igualdade continuaba sendo a protagonista. Madrid non perdía os nervos en ningún momento e atopaban o seu premio no minuto 26, cun gol de Raquel desde o borde da área a media altura, pero as galegas non baixaban os brazos, senon que todo o contrario, controlaban máis o esférico e tan só dous minutos despois realizaban unha gran xogada de equipo por banda que finalizaba cun gol de Lucía ao segundo pau, establecendo o 2-1.
Ocasións para as galegas pero sen premio
As xogadoras da Selección Galega ían a por todas, buscando ampliar as distancias, e querendo sorprender cun roubo de Andrea en media pista, pero o seu tiro dende quince metros íase alto e pouco despois, nunha superioridade de tres contra dous, Julia remataba dende a frontal da área, pero a gardamallas madrileña adivinoulle as intencións.
O tempo estaba chegando ao seu final e Madrid tiña que arriscar sacando a Olea como porteira-xogadora. Co xogo de cinco as madrileñas pechaban ás galegas na súa área e Luchi conseguía empatar, no minuto 37, ao aproveitar un oco e sorprendendo cun disparo desde o borde da área a media altura, subindo o 2-2 ao marcador. As galegas intentaron reaccionar, incluso sacando a Fara coma porteira-xogadora nunha última xogada de ataque, pero o 2-2 acabaría sendo o resultado ao final do tempo regulamentario.
Cun punto asegurado no casilleiro de ambos conxuntos, sería a tanda de penaltis a que decidiría quenes se ían a levar 0,25 puntos máis. A tanda comezaba igualada con goles de Carmen para Galicia e Raquel para Madrid, pero no segundo lanzamento a cancerbeira madrileña Ari adiviñáballe as intencións a Antía e López anotaba para Madrid, mentras que no terceiro lanzamento Fara anotaba para Galicia e Olea non perdobaba para levarse a tanda para Madrid, anotando o definitivo 2-3.
FICHA TÉCNICA
GALICIA: Uxía, Julia, Carmen, Andrea, Antía – tamén xogaron – Lucía, Carla, Fara e Sol
MADRID: Ari, Luchi, Alba, Olea, Raquel – tamén xogaron – Ale, Elena, López, Ainhoa e Dani.
COLEXIADOS: Menéndez Nistal e Vilas López, xunto con De Luis Iglesia coma árbitro asistente (Comité galego). Amonestaron as galegas Julia, Carmen e Andrea, como a madrileña Alba.
GOLES: 1-0 Andrea min.10, 1-1 Raquel min.26, 2-1 Lucía min.28, 2-2 Luchi min.35
PENALTIS: 1-0 Carmen, 1-1 Raquel, Fallo Antía, 1-2 López, 2-2 Fara, 2-3 Olea.
Pavillón Municipal de Betanzos.
A Selección de Castela A Mancha comeza forte ante Ceuta
No encontro inaugural de este Campionato de España, Castela A Mancha non tivo excesivos problemas para levarse os tres puntos, ao impoñerse a Ceuta por 8-1. As manchegas tiveron o control do encontro en todo o momento, xa poñéndose por diante no minuto 4, cun tanto de Elena, e tras ese caerían tres máis antes do descanso por medio de Rocío, en duas ocasións, e novamente Elena. Trala reanudación a historia do encontro era a mesma, con novos goles das manchegas de Jimena, Lidia, Aime e Victoria, aiída que as ceutís tamén estreaban o seu casilleiro ao marcar Adriana o seu único tanto neste encontro.
