As máis maiores emularon á selección sub 16 e non puideron gañar fronte a Madrid. A selección galega sub-19 caeu na súa estrea da fase previa do Campionato de España por 1-5 ante as madrileñas, nun partido disputado na tarde deste venres, no Pavillón Municipal de Betanzos que presentou un cheo absoluto, como poucas veces se recorda.
Co paso dos minutos Madrid quería ter a iniciativa no xogo, chegando a presionar a toda pista, e logrando pechar na súa área ás galegas, pero estas respondían rápido a este xogo das madrileñas facendo o mesmo, pero o esférico difícilmente chegaba ás áreas.
As galegas aguantaron ben as primeiras internadas do combinado madrileño tras dúas boas intervencións de Lucía baixo paus. Finalmente o esforzo das madrileñas tiña doble recompensa, porque Claudia adiantaba á súa selección cun gol ao segundo pau nunha boa xogada de saque de banda e tan só un minuto despois Nereita ampliaba as distancias cun tiro dentro da área colocado ao pau.
A selección galega sub 19 non baixaba os brazos a pesar destas dificultades, presionando novamente a toda pista e pouco tardaban en reaccionar, grazas a un gol de Cris dentro da área, cun tiro cruzado raso colocado ao poste. As galegas buscaron o empate antes do descanso, pero con esta mínima vantaxe Madrid retirábase aos vestiarios.
Unha segunda parte na que se rompeu o partido
Tras o descanso, as de Jorge Basanta querían chegar á porta case por todos os medios posibles, tendo Cris unha oportunidade na frontal que detía Marta baixo paus, pero rapidamente Madrid iniciaba un contragolpe, nunha superioridade de dúas contra unha e Nereita lograba anotar o 1-3 por raso. As galegas non se repuxeran deste golpe cando case na xogada seguinte, Clau López sorprendía cun tiro desde media pista á escadra, ao ver adiantada á porteira galega, Lucía, ampliando as distancias ata o 1-4.
Isto cambiaba por completo o encontro, tendo que saír Teresa a pista coma porteira-xogadora, pero nas primeiras xogadas co xogo de cinco as galegas vían coma Madrid non deixaba ocos en defensa e incluso tiveron dúas ocasións para marcar a portería baleira ao recuperar a posesión, pero os seus lanzamentos íanse fóra, aínda que o cansanzo acumulado pasaba factura a Galicia ao superar Irene por banda a unha xogadora galega e lograr o 1-5 cun tiro por raso. As madrileñas seguían facendo gala da súa efectividade, estando preto de ampliar distancias novamente cun tiro de Clau López dende a liña de fondo, case sen ángulo que se ía ao pau.
FICHA TÉCNICA
GALICIA: Lucía, Cris, Iraia, Martita, María Cobelas – tamén xogaron – Teresa, Canolich, María Estévez e Inés.
MADRID: Marta, Clau López, Tania, Albita, Laura Córdoba – tamén xogaron – Nereita, Ana Expósito, Irene, Laura Sánchez e Claudia.
COLEXIADOS: Crespo Pardo e Martínez Torres, xunto con García Vázquez coma árbitro asistente (Comité galego).
GOLES: 0-1 Claudia min.16, 0-2 Nereita min.17, 1-2 Cris min.18, 1-3 Nereita min.26, 1-4 Clau López min.27, 1-5 Irene min.39
Pavillón Municipal de Betanzos
Castela a Mancha vence con contundencia á Selección de Ceuta
No primeiro encontro da tarde e que estreaba o Campionato de España nesta categoría sub-19, Castela a Mancha venceu ampliamente a Ceuta por 7-2. As manchegas levaban a iniciativa do encontro desde o primeiro momento e xa aos nove minutos ían vencendo 4-0 con goles de Elena, Noelia, Rebeca e Irene. As xogadoras ceutís non baixaban os brazos en ningún momento e conseguían sorprender cun lanzamento de María de longa distancia para facer o seu primeiro tanto, pero as manchegas seguía na súa liña anotando antes do descanso nuevamente Elena e Rebeca.
Trala reanudación o xogo foi máis igualado, con Castela a Mancha dosificando a súa vantaxe no electrónico, algo que aproveitaba Claudia para volver anotar para Ceuta en longa distancia o 6-2, pero eran as manchegas as que cerraban o encontro, cun último gol que deixaba o partido en 7-2.
