Betanzos séntalle ben ao combinado galego. A segunda xornada da fase previa do Campionato de España de seleccións autonómicas quedou marcada polas goleadas das seleccións sub 16 e sub 19. As nosas dominaron nos dous encontros e ata chegaron a coincidir no mesmo resultado, 10-0 nos dous partidos.
Dominio galego de principio a fin
O encontro comezaba coas galegas tendo o balón nos pés e con as ceutíes basando o seu xogo na media pista, esperando a chegada das nosas. Pero a primeira ocasión non foi galega senon ceutí e chegaba aos seis minutos, cun tiro da ceutí Adriana dende o borde da área que se ía por alto. Este pequeno susto fixo que Galicia subira as súas liñas, conseguíndo poñerse por diante cun gol de Carmen desde o borde do área por raso, colocado ao pau.
Este gol subía a moral das galegas, que empezaban a ter os seus mellores minutos sobre a pista, enviando Carmen un balón ao pao nunha xogada de saque de banda, pero na seguinte chegada Galicia non perdoaba porque, tras un tempo morto solicitado por Chipi, a pizarra saía a perfección cun gol de Carla nunha boa xogada de equipo.
As galegas quería ampliar máis as distancias no electrónico, tendo varias aproximacións a área e tendo unha boa ocasión nos últimos intres do periodo cun centro ao segundo pao de Carla a Alba, pero lograba interpoñerse unha xogadora ceutí xusto a tempo para evitar o remate, polo que con este 2-0 o encontro íase ao descanso.
Non había moitas variacións sobre a pista coa selección galega sub 16 tendo o balón e Ceuta nuevamente xogando en media pista e a primeira ocasión que chegaba aos tres minutos xa era gol, por medio de Fara, nunha gran xogada de saque de banda ao segundo pao, establecendo o 3-0.
Ceuta non baixaba os brazos en ningún momento, querendo recurtar as distancias e tendo unha boa oportunidade nun contragolpe de dous contra unha, onde Miriam L enviaba o balón ao pau. As de Chipi non querían pasar apuros neste encontro e case na seguinte xogada Andrea facía o 4-0 grazas a un tiro raso desde a borde da área. As galegas facían gala de efectividade porque, tan so un minuto despois, Carla anotaba de falta lateral colocada ao pao o 5-0.
Galicia seguía indo a máis co paso dos minutos, realizando un bo xogo sobre a pista e iso quedaba patente uns minutos despois, ao anotar dous goles case seguidos. O sexto tanto das galegas o conseguía Fara ao aproveitar un rechace dentro da área e o séptimo levaba a sinatura de Sol ao rematar un balón raso dende a borde do área.
Nos últimos intres do encontro as galegas seguían amosand a súa gran efectividade, ao anotar Julia dous goles en poucos segundos, sendo o primeiro de tiro sen barreira dende sete metros e o segundo dende a borde do área colocado ao primeiro pao, mentras que na seguinte xogada Andrea tamén anotaba na borde do área ao primeiro pau o definitivo 10-0.
Con este resultado, as de Chipi ocupana o segundo posto de grupo, con 4 puntos. O domingo, ás 10:30 horas xogará ante Castela A Mancha en Betanzos, precisando a victoria e cun ollo no que suceda ao mesmo tempo en Miño no duelo entre Madrid e Ceuta, onde precisan que Madrid (actualmente con 4,25 puntos) perda ou empate para que as galegas poidan acceder a fase final do Campionato de España.
FICHA TÉCNICA
GALICIA: Ingrid, Lucía, Andrea, Carla, Sol – tamén xogaron – Julia, Otero, Carmen, Alba, Fara e Antía.
CEUTA: Marina, Daniela, Adriana, Miriam L, Lucía – tamén xogaron – Aya e Hunaida.
COLEXIADOS: Dacal Deza e Pinilla Boullosa, xunto con Núñez Mariño coma árbitro asistente (Comité galego). Amonestaron a ceutí Adriana.
GOLES: 1-0 Carmen min.8, 2-0 Carla min.11, 3-0 Fara min.23, 4-0 Andrea min.27, 5-0 Carla min.28, 6-0 Fara min.28, 7-0 Sol min.34, 8-0 Julia min.37, 9-0 Julia min.38, 10-0 Andrea min.38.
Pavillón Municipal de Betanzos
Madrid gaña con contundencia a Castela a Mancha
No primeiro encontró desta mañá, Madrid conseguía unha importante victoria ante Castela A Mancha, por 1-6. Os primeiros minutos foron de tanteo, pero a partir do minuto 8 as madrileñas amosaron a súa boa efectividade, con goles case seguidos de Luchi, López e Ainhoa, conseguíndo irse vencendo ao descanso por 0-3.
Trala reanudación o control do xogo o tiñan as madrileñas, administrando a súa vantaxe e dosificando físicamente, mentras que Castela A Mancha pelexaba polos balóns, pero non lograban chegar a área. Nos últimos minutos as madrileñas deron una nova mostra da súa efectividade con goles de Ale, Luchi e Elena, mentras que Castela A Mancha lograba facer o seu gol nos últimos instantes, por medio de Jimena.
A sub 19 golea e recuperra o sorriso
A selección galega sub 19 emulou ás máis pequenas e impúxose por 10-0 ao combinado ceutí na segunda xornada celebrada na tarde do sábado no Pavillón Municipal de Betanzos.
O encontro comezou con varias ocasións para os dous conxuntos, nun tanteo inicial. As galegas querían empezar forte sobre a pista, e xa nunha das primeiras xogadas Iraia tiña unha boa oportunidade cun tiro desde o borde da área, que se ía fóra por pouco. As de Jorge Basanta non querían perder a cara o partido e gozaron de varias ocasións claras pero Ceuta tamén amosaba as súas armas nestos primeiros minutos. As visitantes basaron o seu xogo no centro da pista e grazas a isto Claudia tiña unha boa ocasión que lograba despexar María baixo paus. Gran intervención da gardamallas da Selección Galega.
O esforzo das nosas acababa dando os seus froitos, porque nunha boa xogada de equipo, Ame estreaba o marcador culminando unha boa xogada colectiva cun tiro dende o borde da área. As ceutís non baixaban os brazos a pesar de este gol pero as galegas non se puxeron nerviosas e Cris estivo a piques de ampliar distancias nunha boa xogada de equipo.
Tras varios intentos, a Selección de Galicia atopaba a súa recompensa cun gol de Nuria desde o borde da área nunha boa xogada de equipo e tan so un minuto despois Inés facía o terceiro cun gol dende o lateral da área e xa nos últimos instantes de periodo Iraia deixaba o marcador ao descanso en 4-0 cun gol nunha boa xogada de equipo.
Tras o tempo de lecer, as de Basanta comezaban coma un ciclón, porque cada chegada a área era gol, ao facer Ame o quinto desde o lateral da área por raso. O sexto da Selección Galega levaba a sinatura de Teresa ao aproveitar un rexeite dentro da área. O séptimo e o oitavo foron obra de Ame e Canolich, respectivamente, con goles ao segundo pao, e o noveno era de Nuria dentro da área.
O encontro estaba sentenciado tras isto, pero Ceuta non lle perdía a cara o xogo, pelexando por todos os balóns e intentando aproximarse a área, buscando o seu gol, pero a efectividade a seguía tendo Galicia, cun novo tanto de Inés ao segundo pau, que facía o 10-0.
FICHA TÉCNICA
Galicia: María, María Estévez, Cris, Iraia, Ame – tamén xogaron – Inés, Teresa, Canolich e Nuria.
Ceuta: Malak, Daniela, María, Yasmina, Claudia – tamén xogaron – Lucía, Rania, Marilia e Natalia.
Árbitros: Coello Martínez e Dans Rey (Comité galego).
Goles: 1-0 Ame min.9, 2-0 Nuria min.15, 3-0 Inés min.16, 4-0 Iraia min.19, 5-0 Ame min.20, 6-0 Teresa min.21, 7-0 Ame min.21, 8-0 Canolich min.23, 9-0 Nuria min.29, 10-0 min.30.
Pavillón: Municipal de Betanzos.
Madrid consegue o seu pasaporte para a fase final ante Castela A Mancha
No primeiro partido da tarde Madrid non tiña excesivos problemas para impoñerse a Castela A Mancha por 6-0 e grazas aos resultados obtidos nestas dúas xornadas para asegurarse o primeiro posto do grupo.
As madrileñas levaban a iniciativa desde o primero momento sobre a pista e os goles chegaban a partir do minuto 6 grazas a Nereita, Irene e Albita, que deixaban o encontro moi encarrilado xa no descanso. Tras a reanudación as madrileñas dosificaban as súas forzas, malia que Castela A Mancha tivo varias chegadas, nos últimos minutos Madrid sentenciaba o encontro con goles de Clau López, Tania e Laura Sánchez.
