A Sub 15 e Sub 17 Femininas xogan en Elda a segunda fase do Campionato de España

As Seleccións Galegas Sub 15 e Sub 17 Femininas viaxarán a próximo xoves rumbo a Elda (Alicante) para disputar a segunda fase do Campionato de España de Seleccións Autonómicas. O escenario elixido é o Estadio Municipal Nuevo Pepico Amat de Elda (Alicante). O Club Deportivo Eldense xoga actualmente neste estadio, inaugurado o 30 de setembro de 2012. Está catalogado coa categoría de estadio 2 estrelas pola FIFA. A capacidade do estadio é de 4.036 espectadores (740 asentos en dous fondos, 1.236 na bancada xeral e 1.320 en tribuna). Conta ademais con 120 asentos no palco.

A Comunidade Valenciana será así o escenario que albergue entre o 14 e o 16 de febreiro os encontros correspondentes ao Grupo E desta segunda fase. Neste Grupo E Galicia enfrontarase a Murcia e a Valencia nas dúas categorías.

Gañar e agardar resultados favorables

Despois da disputa da primeira fase en Lezama (Bilbao) o pasado mes de decembro, as nosas afrontan esta segunda fase da cita nacional con optimismo. Con todo, as opcións de clasificación para a fase final tanto da Sub 15 que dirixe Vicky Vázquez como da Sub 17 que prepara Quin Valbuena pasan por gañar os dous partidos e agardar resultados favorables.

O elenco Sub 15 regresou de Bilbao con 3 puntos de 6 posibles tras a súa derrota no primeiro encontro ante Cataluña (1-0) e a vitoria ante Aragón (4-0). Este último resultado permite que Galicia poida seguir soñando con clasificarse para a fase final.

A Sub 17 teno máis complicado a pesar de sumar 3 puntos de 6 posibles na primeira fase. A pesar da dificultade da empresa, as de Quin Valbuena apurarán as súas opcións matemáticas ata o final e acudirán a Valencia co único obxectivo de pelexar para gañar os dous enfrontamentos.

Horarios

O cadro dos emparellamentos desta segunda fase do Campionato de España Sub 15 e Sub 17 de Seleccións Autonómicas é o seguinte: