A Selección Galega Sub-12 proclamouse este domingo subcampioa de España de fútbol sala tras caer na gran final ante unha súper potencia como é Cataluña (6-0) nun partido no que o combinado catalán foi superior ás nosas. As futbolistas que prepara Jordi Barrero encarrilaron a final no descanso (3-0). Galicia quixo e tentouno ata o final, pero non puido para acabar celebrando como merece un subcampionato despois de completar un extraordinario torneo.
Durante os primeiros compases xa quedou patente o que había en xogo: nin máis nin menos que un Campionato de España (CESA). O inicio foi vertixinoso, eléctrico, un ida e volta precioso con chegadas en ambas as porterías.
Co paso dos minutos, Cataluña quixo ter máis balón e dominar a final a través do xogo. E foi o combinado catalán o primeiro en golpear cun balón directo a Laia Minoves, que recibiu de costas na posición de pivote e superou a Rocío tras realizar un gran xiro. Corría por aquel entón o minuto 6 da gran final.
O tanto fixo dano á Selección Galega que co paso dos minutos viuse superada ante o tremendo potencial do equipo catalán, que antes do descanso encarrilaría o título con dous tantos máis para marcharse mandando por 3-0 ao descanso.
Na continuación, Cataluña non baixou a garda. Galicia quería, pero non podía, e as futbolistas que adestra Jordi Barrero foron a por máis ata completar o 6-0 final para proclamarse campioas de España, segundo informa a RFGF.
FICHA TÉCNICA
1) CATALUÑA: María, Nara, Martina, Laia, Ariadna, Laia Minoves, Julia, Lía, Olivia, Jana, Daniella e Elaine.
0) GALICIA: Leire, Adair, Valeria, Candela Ramos, Raquel, Candela Vázquez, Lorena, Yaiza, Alba, Bea, Claudia e Rocío.
EQUIPO ARBITRAL: Otero Baltasar, Rodríguez Pontanilla.
GOLES: 1-0 | Laia Minoves, min. 6. 2-0 | Raquel (pp), min. 6. 3-0 | Jana, min. 13. 4-0 | Ariadna, min. 18. 5-0 | Jana, min. 20. 6-0 | Laia, min. 20.
INCIDENCIAS: Final do Campionato de España sub 12 feminino de fútbol sala. Partido disputado no Pavillón Municipal de Baltar.
¡FINAL DEL PARTIDO!
@FCF_CAT ̃
⚽️ Galicia 0-6 Cataluña
https://t.co/z9djvzzUeu pic.twitter.com/zZViuDISHM
— Futsal RFEF (@FutSalRFEF) March 10, 2024
