A Selección Galega de rugby xógase evitar o descenso na 4ª xornada do CESA en Acea da Má

Disque a historia ás veces é cíclica e repítese, oxalá desta volta non sexa así. A Selección Galega de rugby en categoría feminina xógase este domingo ás 11:30 horas en Acea da Má a súa continuidade na categoría A. En fronte terá, xustamente ao combinado territorial que en 2015 lle facía perder a categoría: Castilla y León. Mirando o vaso medio cheo, as irmandiñas teñen ante si a oportunidade de resarcirse e desquitarse daquela ocasión na que as veciñas de Castilla y León, lles fixeron poñer rumbo á categoría B estatal.

Selección Galega de rugby adestrando en Acea da Má / FEDERACIÓN GALEGA DE RUGBY

Esta xornada do Campionato de España de Seleccións Autonómicas (CESA) conta con dous partidos máis na categoría A o domingo 27 de febreiro:

12:00 horas Andalucía – Cataluña (La Cartuja)
16:00 horas Madrid – Valenciana (Valle del Arcipreste)

Todo está listo para que este domingo o campo de Acea da Má, no concello de Culleredo, acolla un partido absolutamente crucial para a Selección Galega de rugby. As deportistas teñen diante de si o reto de manter a categoría e evitar o descenso á categoría B. O cruce será arbitrado polo colexiado Belarmino Álvarez.

👉 Convocatoria para o #CESA #feminino
📊#Play_Out
📅 Domingo 27
⏰ 11h30
🏟 Acea Da Ma 📍 (A Coruña)
🏉 @RugbyGalicia 🆚 @FRCyL
👉Adestramento o venres 25 (inda sen campo)#RugbyGalego #GaliciaCalidade pic.twitter.com/4t1m8ddk5N
— Fed. Galega de Rugby 🏉 (@RugbyGalicia) February 22, 2022

Galicia xógase saber se remata o Campionato de España de Seleccións Autonómicas (CESA) no 5º ou no 6º lugar. Esa ubicación na clasificación final pode decidir a continuidade ou non do combinado galego na Primeira categoría.

O rival, Castilla y León, non trae gratos recordos. Aló polo ano 2015 foi xustamente esta selección autonómica a que fixo perder a categorías ás galegas. Será sen dúbida un encontro disputado, cheo de rivalidade e co máximo interese polo decisivo do resultado final de cara á permanencia.

O conxunto galego tivo varias sesións preparatorias concentrándose para o Campionato de España de Seleccións Autonómicas (CESA)

📷 4ª Concentración da @RugbyGalicia #Senior #Feminina
🏟 Acea da Ma
📍 A Coruña #CESA #RugbyGalego pic.twitter.com/VnN9Uqx7Ld
— Fed. Galega de Rugby 🏉 (@RugbyGalicia) February 19, 2022

Ata o de agora, no que levamos de competición nesta categoría A Galicia perdeu con Valencia 51-0 na primeira xornada, e con Andalucía na segunda por 7-35. Na terceira descansaron e chegan xogándose a vida á cuarta xornada.

Na Selección Galega hai 23 xogadoras chegadas de diferentes clubs galegos como Ourense, Lalín, Pontevedra, Santiago, Vigo e CRAT, que é o club que máis deportistas achega a esta selección irmandiña. Ademais das xogadoras que militan en clubs da nosa comunidade hai tamén deportista galegas que están xogando en clubs doutros puntos do estado como é o caso de Elsa Porto (Sant Cugat), Alicia San Martín (Gijón), ou Marina López (Cisneros).

📷 4ª Concentración da @RugbyGalicia #Senior #Feminina
🌞 Sesión de maña
🏟 Acea da Ma
📍 A Coruña
👉 Mañan de 11h30 a 14h
👉 Tarde de 17h45 a 19h15 #CESA #RugbyGalego pic.twitter.com/ph4SsxsYnL
— Fed. Galega de Rugby 🏉 (@RugbyGalicia) February 19, 2022

Esta é a convocatoria do técnico, Jos Porto, para este partido crucial para as aspiracións das galegas: