Desde este venres 26 e ata o domingo 28, Leganés será a localidade que acolla o Campionato de España Sénior e Para-Karate. Nesta competición participarán as mellores deportistas da categoría absoluta de distintas seleccións autonómicas, como a galega, que chega marcada pola COVID-19. Un gromo fai que só cinco atletas de Galicia compitan no estatal.
Esta é a 52ª edición do torneo en karate e a oitava en parakarate e poderá seguirse en streaming na web da Real Federación Española de karate. As xornadas dividiranse en venres tarde, sabado mañá e tarde e domingo mañá. O primeiro día só celebrarase a modalidade de kata, mentres que o sábado será o turno e kumite e o domingo kumite por equipos.
Só cinco karatekas galegas participarán no Campionato de España
Representando a Galicia, na modalidade de kata competirá Ariadna Rocha, do Bunkai. En para-karate, a nosa representante será Cristy Tojo, do CD Ávalon Kai.
Dentro da modalidade de kumite inividual estará en categoría feminina Sara Vázquez, o ESK Narón, xunto con Ariadna Rocha. En equipos ambas as dúas deportistas participarán tamén en kumite por equipos.
Dentro da categoría masculina, en kumite individual, estarán Bruno Vázquez e Víctor Mallo.
Entres as ausencias estarán a da galega Ruth Lorenzo, unha das figuras máis destacadas deste deporte no ámbito estatal e galego. A deportista e outras compañeiras non poderán viaxar debido a un gromo que activa os protocolos COVID-19.
Algunhas karatecas están contaxiadas, aínda que as fontes consultadas por As Nosas, indican que o seu estado de saúde non reviste gravidade. Noutros casos, pese a non estar infectadas de COVID-19, o protocolo de illamento activado por contacto directo cunha persoa positiva, impide o seu concurso no campionato estatal.
Ver esta publicación en Instagram
