A partir deste venres, 8 de xaneiro, ata o próximo domingo, Torrelavega acollerá o Campionato de España 2021 de ciclocrós ao que acudirá a Selección Galega, anfitrioa das dúas últimas edicións do torneo, con 34 ciclistas.
Delas, 14 o farán en distintas categorías femininas. Este ano, o Campionato constará de tres días de probas individuais en lugar de dous e non haberá público, por mor das esixencias sanitarias.
A competición arrancará o venres ás 14:00 horas coa categoría cadete masculina. Unha hora despois, será o turno de dúas probas femininas. En categoría cadete competirán as galegas María Filgueiras, do Caimames Betanzos; Claudia Pérez, do Corbelo; Vania Gregores, do Ponteareas e Uxía Soto, Marta Estévez e Aroa Otero, todas do Avanza-O Porriño.
Ver esta publicación en Instagram
En máster-30 as representantes galegas serán Eva Ortega, do Biciosos Rías Baixas e Montserrat Martínez, do Oiense. En máster-40 será o turno de Sonia Costoya, do Corbelo e de Mónica Alarcón, do Louriña. A xornada do venres pecharase coa competición masculina junior.
Ao día seguinte, a xornada está reservada aos masters masculinos. O domingo, na clausura do torneo, será o turno das elite-sub23, con Carla Fernández, do CC Farto, na Selección Galega; e das junior, con Laura Mira, do Avanza-O Porriño, Sofía Álvarez, do Cambre e Sonia Domínguez, do XSM club.
Podes consultar máis información sobre o Campionato de España 2021 de ciclocrós nesta ligazón.
