A pandemia de COVID-19 paralizou as competicións de campo a través da tempada anterior, polo que as atletas galegas non volveron disputar un torneo nacional desde o celebrado en Zaragoza no 2020. Isto cambiará esta fin de semana, coa celebración en Xetafe do Campionato de España, ao que acudirán 12 deportistas de categoría feminina representando a Galicia.
A situación sanitaria obrigou ao Sector Técnico da Federación Galega de Atletismo a confeccionar un combinado sen referentes previos competitivos, o que dificultou a elección final.
Por parte da Selección absoluta feminina estará liderada pola Subcampioa mundial en duathlon Sub20, a venezolana con ficha por Galicia Edymar Brea, do Ourense Atletismo, quen aportará calidade a un combinado onde tamén estará na línea de saída a internacional Uxía Pérez, do Playas Castellón, que o ano pasado lograba unha excelente décima posición. Pérez ven ademais de competir no Absoluto de pista cuberta.
Éxito do atletismo galego no Campionato Absoluto de Pista Cuberta
Xunto a estas atletas estarán tamén ilustres internacionais como as fondistas Sandra Mosquera do Comesaña S.C. ou Paula Mayobre do Running Pinto Seoane e, facendo o seu debut na absoluta, Laura Santos do Lucus Caixa Rural Galega.
O combinado de atletas galegas complétase nas categorías Sub23 e Sub20 femininas con Elena Costa do A.F. Celta e Nerea Lage do Atletismo Friol, que estarán ao fronte dos respectivos equipos.
Consulta toda a información do campionato nesta ligazón.
As atletas galegas honrarán a memoria de Alejandro Gómez
O atleta Alejandro Gómez, recentemente falecido, será honrado nesta competición por parte da Selección Galega. O propio deportistas competiu en moitas ocasións neste campionato estatal, chegando a colgarse o ouro en seis ocasións.
Para conmemorar a súa figura, a Xunta de Goberno da FGA ven de aprobar que no día do campionato todas e todos os compoñentes da Selección, compitan cun lazo negro na camiseta galega, esa que tantas veces defendería, como lembranza e honra a un dos máis grandes do atletismo galego.
