- Belén Toimil, Daniel e Antía Chamosa, Yiset Giménez e David de la Fuente, acadaron triunfos para a Selección Galega no Campionato de España de Atletismo de federacións autonómicas
Ciudad Real era a cidade escollida este ano para disputar o Campionato de España de Federacións autonómicas a onde a Selección Galega acudía cun equipo competitivo na procura dos postos importantes da clasificación.
Nun encontro domiñado pola Selección Catalana, a irmandiña lograba o sexto posto da clasificación xeral na que por diante dela situáronse seleccións tan potentes como a madrileña, valenciana, andaluza e a castelá-leonesa.
Ver esta publicación en Instagram
“No tocante aos resultados compre salientar o gran nivel amosado por todos e cada un dos compoñentes da selección, quenes en líneas xerais, estiveron competindo por riba das súas marcas o que pon de manifesto a gran motivación e compromiso amosado”, apuntan desde a Federación Galega de Atletismo.
Triunfos para a Selección Galega da man dos irmáns Chamosa
En canto aos postos importantes nas distintas probas, compre salientar aos irmáns Antía Chamosa e Daniel Chamosa que sumaban sendos triunfos na proba de marcha e que daban á Selección Galega un total de 32 puntos.
Ver esta publicación en Instagram
A capitá da Selección Galega, Belén Toimil, era outra das que aportaba un primeiro posto no concurso de peso e un décimo no de disco.
Ver esta publicación en Instagram
Nun treito da competición na que a Selección Galega chegaba a ir de terceira, David de la Fuente sumaba unha gran victoria sobre os 3.000 m. ao igual que Yiset Giménez quen facía o propio no concurso de xavelina.
Ver esta publicación en Instagram
Pedro Osorio nun excelente estado de forma, asinaba un segundo posto sobre a proba dos 800 m. ao igual que facían o propio Hugo Vázquez nos 110 valos e Juan Caicedo en disco.
Carlos Revuelta aportaba veteranía e puntos co seu terceiro posto en martelo ao que se lle sumaba de igual modo os excelentes postos de Xabi Lires e Lía Caride nos 400 valos, Sergio Coello na lonxitude, Diego Miguez en triplo, así como as aurensáns Manuela Blanco en pértega e Blanca Pereira en martelo.
Recoñecemento ós capitáns Belén Toimil e Mauro Triana
Durante a xuntanza técnica de equipo, o presidente Ivan Sanmartín, quíxo recoñecer e por en valor o compromiso e actitude de todos os integrantes, pero de maneira en especial, a dos dous capitáns da Selección Galega, Belén Toimil e Mauro Triana quenes cun total de trece e doce convocatorias respectivamente, pasan por ser quenes máis veces vestiron e defenderon a camiseta de Galicia.
Ver esta publicación en Instagram
