A Selección Española de fútbol feminino xa coñece o seu grupo na fase de clasificación para o Mundial. As vermellas quedan encadradas no grupo B, con Escocia, Ucraína, Hungría e as Illas Feroe.
O combinado que dirixe Jorge Vilda comezará en setembro a preparar esta fase selectiva que leva á fase final de Australia – Nova Zelanda 2023. Esta sería a terceira fase final mundialista das españolas, despois do éxito de Francia 2019 e a clasificación xa obtida para a Eurocopa de Inglaterra 2022.
Só a primeira selección de cada grupo avanzará á seguinte proba e as segundas clasificadas xogarán un play off en outubro do 2022, para completar as once prazas que UEFA dispón no Mundial.
As listas de futbolistas convocadas poden variar, pero algunhas xogadoras como Tere Abelleira estanse a perfilar xa como habituais. A galega formou parte da última convocatoria, estando entre as elixidas para disputar coa Selección Española os amigables con Países Baixos e México.
Na actual Selección sub23, outras dúas representantes de Galicia coláronse co combinado estatal: Athenea del Castillo, xogadora do Dépor ABANCA, e a galega Nuria Rábano.
🚨 OFICIAL | Escocia, Ucrania, Hungría e Islas Feroe serán los rivales de España en la Fase de Clasificación para el Campeonato del Mundo femenino de 2023.#FIFAWWC #JugarLucharYGanar
ℹ️ https://t.co/aBg7sKKLFo pic.twitter.com/bPjipG21ng
— Selección Española Femenina de Fútbol (@SeFutbolFem) April 30, 2021
Estas son as datas da fase de clasificación para a Selección Española:
- 13-21 de setembro de 2021
- 18-26 de outubro de 2021
- 22-30 de novembro de 2021
- 4-21 de abril de 2022
- 29 de agosto ao 6 se setembro do 2022
