España e Portugal víronse as caras dúas veces en tan só 24 horas. A seleccionadora española, Clàudia Pons, contou con varias xogadoras galegas ou que militan en equipos galegos. Son o caso de Caridad e Silvia do Poio Pescamar, Chiky polo Ourense Envialia e Peque do Pescados Rubén Burela. Tamén xogou a compañeira de equipo de Peque, Jenny Lores polo combinado luso.
Defensa e acerto no primer duelo (1-4)
O encontro comezou cun intercambio de golpes. Se Ampi e Noe tiveron as primeiras ocasión para adiantar ao combinado español, foi Janice Silva quen se apuntou o primeiro tanto. Recibiu de costas no bordo da área, e tras revolverse, conectou un disparo certeiro. O gol en contra espoleou ao equipo de Cláudia Pons.
Carmen, quen levaba tempo sen acudir a unha concentración co combinado nacional, devolve as táboas ao marcador do Pavillón de Deportes de Vila Real tras un zurdazo seco e axustado á base do pau. Froito dunha falta lanzada desde os 12 metros.
O combinado español foi de máis a menos durante o duelo. A presión alta e as rotacións das locais -notan en exceso os minutos de descanso de Fifó ou Janice- permitiron ás hoxe visitantes impoñer o seu xogo. Unha recuperación de balón no medio campo fixo que a xogadora do Ourense Envialia, Chiky puxera o 1-2 antes do descanso e dera volta ao luminoso. Roubo, gran condución e mellor definición ante a meta lusa, Ana Catarina.
Coa mesma fórmula chega o terceiro. Outra perda local permitiu, neste caso, a Vane Sotelo plantarse diante de Ana Azevedo. Cando a porteira tenta achicar espazos, Sote cedeu a Noelia, que empuxou o balón a porta baleira.
Unha excelente xogada de Anita Luján en banda foi a antesala do 1-4. Apurou ata a liña de fondo e cedeu atrás para que algunha compañeira remate. Con todo, é Fifó quen introduce o balón na súa propia meta. Portugal colouse de cinco, pero nin con esas. España estivo moi ben plantada e aguantou as acometidas locais ata o pitido final.
100 veces Anita Luján
Día histórico para o noso fútbol sala e partido inesquecible para ela. Ana Luján foi homenaxeada antes do asubío inicial. A xogadora de Atlético Futsi Navalcarnero converteuse en centenaria. Ningunha outra compañeira vestiu tantas veces a camiseta da Selección.
Debutou coa Absoluta antes de ser maior de idade e once anos despois, con tan só 28 cumpridos, segue agrandando o seu legado neste deporte.
FICHA TÉCNICA
PORTUGAL: Ana Catarina, Carla Vanessa, Cátia Morgado, Ana Azavedo e Jenny.
Tamén xogaron: Ana Cristina, Maria Pereira, Inès Fernándes, Fifó, Janice, Pisko, Sara Ferreira, Débora Labrador e Raquel Santos.
ESPAÑA: Silvia, Noelia, Ampi, Peque e Consu.
Tamén xogaron: Caridade, Chiky, Laura Oliva, Carmen, Jenny Lores, Vanessa Sotelo, Amelia, Irene Samper e Anita Luján.
GOLES:
1-0| Janice Silva, min. 6.
1-1| Carmen, min. 11.
1-2| Chiky, min. 18.
1-3| Noelia, min. 21.
1-4| Fifó ( pp), min. 31.
COLEXIADOS: Eduardo Coelho (POR), Cristián Santos (POR) e Rubén Santos (POR).
Partido internacional amigable. Pavillón Deportivo de Vila Real (Portugal).
Bo inicio pero Portugal impuxo o seu físico (5-1)
Se onte foi España quen remontou, hoxe tocoulle a Portugal. Do 1-4, ao 5-1. Dun arranque que parecía prometedor, a unha decepción que se foi consumando a medida que avanzaba o partido. E iso que Irene Samper e o equipo comezaron con bo pé cun gol que poñía por diante ao combinado español tras unha parede e posterior asistencia de Consu para poñer o primeiro no marcador.
Unha diferenza que non durou demasiado. Ana Azevedo puxo as táboas e antes de que as de Clàudia Pons se dera conta, Portugal deu a volta ao marcador. A xogadora do Burela, Jenny asinou o 2-1 despois dun roubo de pelota na liña de creación.
Con este resultado, España intensificou a presión sobre o xogo luso. Aínda que as locais recorreron a mesma estratexia. O partido estivo buscando dono, mentres que ningún dos dous equipos mostrouse cómodo sobre o parqué. As defensas impóñense aos ataques. Ana Catarina recorreu con frecuencia ao saque longo en busca da súa compañeira máis adiantada e solicitando así un pouco de desafogo.
O paso por vestiarios permitiu ao combinado nacional recompoñerse. España non renunciou á súa formulación. Aínda que as portuguesas estiveron decididas a evitar calquera achegamento á súa portería. O choque vólvese máis físico que técnico-táctico e iso favoreceu ás lusas para poñer distancia no luminoso.
España buscou recortar distancias xogando de cinco, e a xogadora laranxa, Peque facendo de porteira-xogadora. Deste xeito, a Selección abandona Vila Real cunha vitoria e unha derrota. Este última, dolorosa polo goleada pero tamén pola sensación de non competir ao nivel que afai este equipo.
FICHA TÉCNICA
PORTUGAL: Ana Catarina, Inès Fernándes, Fifó, Janice Silva y Sara Ferreira.
Tamén xogaron: Ana Cristina, Maria Pereira, Carla Vanessa, Cátia Morgado, Ana Azavedo, Jenny , Pisko, Débora Labrador y Raquel Santos.
ESPAÑA: Caridad, Noelia, Peque, Irene Samper y Consu.
Tamén xogaron: Silvia, Chiky, Laura Oliva, Carmen, Jenny Lores, Ampi, Vanessa Sotelo, Amelia y Anita Luján
GOLES:
0-1| Irene Samper, min. 3.
1-1| Ana Azevedo, min. 6.
2-1| Jenny, min. 8.
3-1| Carla Vanessa, min. 34.
4-1| Cátia Morgado, min. 37.
5-1| Ana Azevedo, min. 38.
COLEXIADOS: Eduardo Coelho (POR), Rubén Santos (POR) y Cristiano Santos (POR).
Partido internacional amigable. Pavillón Deportivo de Vila Real (Portugal).
