- A Selección Española de fútbol sala, que nos seus últimos compromisos contou con cinco galegas nas súas filas, disputará dous amigables en Calvià e Palma de Mallorca os días 10 e 11 de marzo preparando o Europeo feminino
As futbolistas que adestra Clàudia Pons na Selección Española de futsalfem teñen previsto xogar dous encontros amigables ante Brasil o mes de marzo. España xusto vén de xogar dous amigables contra Portugal con cinco futbolistas galegas nas súas filas.
Segundo informa a Real Federación Española de Fútbol, “a Comisión de designación de partidos da RFEF decidiu que o pavillón Galatzó de Calviá e Son Moix en Palma de Mallorca serán os escenarios de ambos os partidos. O primeiro será o venres 10 de marzo ás 18.30 horas e o segundo ao día seguinte ás 18.00 horas”.
Dúas probas de moi alto nivel para as futbolistas que dirixe Clàudia Pons, que xusto despois (o 17 e 19 de marzo) afrontarán en Debrecen (Hungría) a terceira edición do Europeo feminino, no que defenderán o título logrado en xullo.
Botando a vista atrás, a hemeroteca di que o último duelo entre España e Brasil disputouse o pasado mes de marzo en Melilla e rematou cun triunfo das españolas 3-2.
Primeiro partido da Selección Española en Baleares
Será a primeira vez que a Selección Española absoluta feminina de fútbol sala visite as Baleares e faio cun dos mellores duelos que se poden ver no mundo. Deste xeito, o pavillón Galatzó de Calvià e Son Moix (o pavillón do Mallorca Palma Futsal, que acolleu a Ronda Elite da UEFA Futsal Champions League) acollerán un encontro que podería verse nun futuro próximo coa creación do Mundial feminino de fútbol sala que anunciou a FIFA.
A segunda vitoria da Selección Española ante Portugal contou con acento galego (3-2)
Os goles de Vane Sotelo, Irene Samper e Melli levan a España a gañar a Portugal (3-2)
