A Selección Española fíxose co triunfo (26-17) no primeiro partido da cita mundialista celebrada en Alemania e Países Baixos. O cadro dirixido por Ambros Martín derrotou con solvencia ás paraguaias, malia non convencer co seu xogo. Colócase desta maneira como líder de grupo antes de medirse aos seus próximos rivais: Illas Feroe e Montenegro. Nas fila do combinado vermello hai dúas galegas: Elba Álvarez e Alicia Fernández.
Ver esta publicación en Instagram
Despois do mal soño vivido nos Xogos Olímpicos de París e posteriormente no Campionato de Europa, onde o cadro nacional foi eliminado por Polonia na primeira fase do torneo, as Guerreras da Selección Española necesitan recompoñerse e converterse de novo nun equipo de referencia.
Para iso era moi importante comezar con bo pé no Mundial e conseguir vencer no seu debut á selección de Paraguai en Tréveris, e así foi. Aínda que cunha considerable marxe de mellora e sen chegar a convencer coa súa proposta de xogo, a Selección Española logrou impoñerse de maneira rotunda e resolveu o encontro cun cómodo 26-17.
Colócase así á cabeza do Grupo D, á espera de enfrontarse este venres ás Illas Feroe, que se estrean nun Mundial e, posteriormente, á selección de Montenegro.
Pasar á seguinte fase significaría para o cadro estatal volver a soñar con estar entre as mellores seleccións do mundo, un anhelo compartido por todas, aínda que conscientes de que queda moito por traballar e mellorar para un equipo novo que está a tratar de renovarse.
Ver esta publicación en Instagram
A Selección Española repónse de París e do Europeo
O duro golpe dos Xogos de París, onde non conseguiu sumar ningún punto, e a dolorosa eliminación temperá no Campionato de Europa, parecen que, lonxe de afundir á Selección Española, están a facer que renaza e loite por consagrarse como a potencia que un día foi de cara ao futuro.
Ver esta publicación en Instagram
FICHA TÉCNICA:
26) ESPAÑA: Prades; Erauskin (1), Arcos (1), Gassama (2), Lyndie Tchaptchet, Somaza (4) y Vegué (5, 3p) -equipo titular- Wiggins (ps), Jennifer Gutiérrez (1), Etxeberria (3), Lysa Tchaptchet, So Delgado (6), Alicia Fernández (2p), Elba Álvarez, Arroyo e Bengoetxea (1).
17) PARAGUAY: Ocampos; Mendoza (4), Insfrán (3, 2p), Paula Fernández (2), Leiva, Acuña (1) e Lugo -equipo titular- Machuca (ps), Fiore (3), Gisela González, Fleitas, Portillo (2, 1p), Torres, Samaniego (1), Enríquez (1) e Valdovinos.
MARCADOR: 2-2, 5-4, 8-5, 12-5, 14-8, 15-9; 17-11, 18-13, 20-13, 21-14, 25-17 e 26-17.
EQUIPO ARBITRAL: Gheisarian e Gheisarian (IRI)
INCIDENCIAS: Primeiro partido da primeira fase do Campeonato Mundial de Balonmano Femenino 2025.
Ver esta publicación en Instagram
