- A keniata Selah Burienei quedouse a catro segundos da mellor marca da proba e fixo o 16º mellor tempo mundial do ano.
- O etíope Melaku Aregu gañou na categoría masculina
A Coruña acolleu este domingo a edición número 16 da carreira Coruña 10. Esta proba de 10 quilómetros é un dos clásicos das carreiras populares da cidade e este ano estreou un percorrido que pasou polas dúas fachadas marítimas da cidade e atravesou os peiraos, como está sendo habitual nos últimos eventos celebrados. Foi a segunda C10 tras o regreso destas competicións á cidade tras a pandemia.
A marca da vencedora da #C10 é a 16* marca mundial de 2022 no 10k feminino!#ACoruña volve aparecer no ránking mundial de ruta.
Tan só 8 corredores masculinos a superaron hoxe. Mágoa os 4”
É a segunda mellor marca da historia da C10! pic.twitter.com/xVQnp2WdE1
— A Coruña Deportes (@coruna_deportes) April 24, 2022
Na mañá do domingo viviuse un gran ambiente no Parrote da Coruña, punto de encontro desta proba. Na categoría feminina, gañou a corredora keniata Selah Jepleting Busienei, cun tempo de 31:44 minutos, a tan só catro segundos do récord da proba. Trátase da 16ª mellor marca mundial deste 2022 nunha proba de 10 quilómetros. Se antes de iniciar a carreira a mellor marca da proba parecía inalcanzable, resultou ao final da mesma que o nivel da competición foi tal que a piques estivo de acadarse unha nova marca para a historia da Coruña 10.
O segundo posto foi para Chenet Misganaw Takele e o terceiro para Solange Pereira.
🎤 Entrevista a Solagne Pereira, terceira clasificada na #Coruna10, primeira non africana. pic.twitter.com/1pEdhD8CAV
— A Coruña Deportes (@coruna_deportes) April 24, 2022
O gañador da categoría absoluta masculina foi o etíope Melaku Birhan Aregu, cun tempo de 29:04 minutos. O segundo posto foi para o olímpico en Toquio Javier Guerra e o terceiro para Alejandro Fernández.
A alcaldesa Inés Rey foi unha das encargadas de entregar os premios desta Coruña 10, na que participaron varias persoas refuxiadas ucraínas, que foron invitadas polo Concello da Coruña. Tras o acto, leuse un manifesto en apoio ao pobo ucraíno e interpretouse o seu himno.
🏖️ Os e as corredoras desta #Coruña10 pasan por un escenario marabilloso, como son as praias de Riazor e Orzán, cando xa levan 3 quilómetros de percorrido. pic.twitter.com/hrXjWXoTw6
— A Coruña Deportes (@coruna_deportes) April 24, 2022
A Coruña 10, organizada polo Concello da Coruña e a Federación Galega de Atletismo, repartiu un total de 9.700 euros en premios. Inés Rey tamén deu a saída de varias das probas das categorías inferiores.
A C10 atópase entre as mellores probas de 10 quilómetros de España e consolídase cun percorrido máis plano e rápido, que conecta as dúas contornas mariñas da cidade, a baía do Orzán e a zona portuaria. O obxectivo desta ruta foi procurar a mellor orografía de ambas as zonas e que a carreira atravesase algúns dos puntos máis emblemáticos da Coruña, facilitando ao mesmo tempo a visibilidade para o público.
O percorrido atravesou tamén parte das instalacións dos peiraos, que proximamente quedarán abertas á cidadanía. Esta zona é idónea para este tipo de probas pola súa planimetría. A saída e a meta estiveron instaladas no paseo do Parrote, onde se celebraron as competicións de menores tras a proba absoluta.
👏 E a alcaldesa, @inesreygarcia, deu as saídas da última proba do día, na que participan os menos e nenas de menos de 7 anos pic.twitter.com/Sjr8FcE6zl
— A Coruña Deportes (@coruna_deportes) April 24, 2022
Accións de solidariedade co pobo de Ucraína na Coruña 10
Esta Coruña10 foi especial polo apoio que amosaron os corredores e as corredoras ao pobo ucraína. As camisetas oficiais da proba contaban coas cores da bandeira de Ucraína e a palabra “paz”. Ademais, despois das distintas probas celebrouse unha sesión de zumba solidaria no Parrote que estivo aberta a toda a cidadanía e na que se puideron facer doazóns.
Tamén estivo dispoñible durante as últimas semanas a posibilidade de facer achegas a través do dorsal 0. Toda a recadación foi destinada á asociación AGA-Ucraína, que utilizará os fondos para mercar material sanitario de gran necesidade en Ucraína.
📹 Aquí vos deixamos un vídeo de resumo da #Coruña10 e das actividades que se celebraron ao longo da mañá no paseo da dársena e do Parrote!
👏 Moitas grazas ás persoas que participaron, á xente que veu de público e a todos e todas que fixeron posible a celebración da proba pic.twitter.com/McLYcNgD4g
— A Coruña Deportes (@coruna_deportes) April 24, 2022
