As lanzadoras galegas teñen nova cita. Entre medidas de seguridade sanitaria, distintas cidades españolas túrnanse para acoller os campionatos de atletismo. Esta fin de semana, concretamente o día 20, é o turno de Castellón, que será a anfitrioa do Campionato de España de Lanzamentos longos de menores, onde participarán seis lanzadoras galegas.
Trátase de Paula Piñón e María Pena, do Atletismo Femenino Celta; Marta Neira, do AVA; Blanca Pereira, do Ourense Atletismo; Irene Gómez, do Valencia Atletismo e Laura Rico, do Ría Ferrol.
A primeira das lanzadoras, habitual na sub20, competirá por partida dobre no campionato, en disco e xavelina. Na primeira delas intentará achegarse ata a súa MMP de 42.44 m. logrados o ano pasado e que lle daban o bronce precisamente nesta mesma proba. No tocante ao disco acude ca sexta mellor marca das participantes sendo obxectivo mellorar o sétimo posto do 2020.
En martelo 3 quilos sub18 estarán Neira e Pereira, acudindo ambas como as atletas de mellor marca. A viguesa, discípula de Frank Casañas, parte como favorita, no concurso grazas aos 56.16 m. logrados na edición do ano pasado onde remataría sendo bronce. Por parte da lanzadora ourensá de primer ano, xa no 2020 lograba ser campioa de España Sub16, facendo a súa presentación nesta nova categoría lanzando ata os 54.07 m. MMP.
Por outra banda, a lanzadora Internacional sub20 Irene Gómez é outra das favoritas ao título no concurso de martelo. A Campioa de España Sub20 e prata no nacional longo de inverno acude con 55.38 m. deste ano que malia non ser a súa MMP (58.45 m. do 2020) , permítelle ser a participante ca mellor marca rexistrada.
Laura Rico Bouza é outras das lanzadoras galegas que estará presente en Castelló. Tomará parte no lanzamento de xavelina Sub18 onde acude ca sexta marca das participantes de 35.51 m. A atleta do Ria Ferrol é a vixente campioa de España Sub16 da modalidade.
Por último a tamén atleta céltica de primeiro ano Sub18 en xavelina María Pena, estará lanzando ca quinta mellor marca das participantes. A santiaguesa de nacemento, xa sabe o que é estar nun podio nacional grazas ao subcampionato do ano pasado neste mesmo torneo.
Tamén participará representando a Galicia, pero en categoría masculina, Eric Méndez do Real Club Celta, quen debuta na categoría Sub20 o que supón lanzar co artefacto dos 6 kg. Precisamente con este peso lanzaba recentemente ata os 57.08 m. que o sitúan ca sétima mellor marca dos participantes.
Consulta toda a info do torneo nesta ligazón.
Ver esta publicación en Instagram
