Van xa dous partidos para Ourense Envialia da segunda fase da competición na Primeira División feminina do fútbol sala da RFEF e o conxunto que adestra Gonzalo Iglesias Morenín, rematou ambos con derrota, algo que alonxa ás galegas da loita polo título. As baixas que o conxunto galego leva acumulando esta tempada non axudan a poder enfrontar esta fase da competición coa forza que caracteriza ás futbolistas do Ourense Envialia.
A visita a Móstoles foi infructuosa para as galegas que regresan cun tanteo de 6-3 e sen colleitar puntos neste desprazamento a terras madrileñas. De feito o 6-3 maquilla en certa medida un partido no que o Ourense Envialia chegou a estar perdendo 4-0.
O cruce iniciouse cun ritmo algo por ambos os dous equipos que para poder manter o ritmo deron renda solta ás rotacións no banco. Pero xustamente iso é o que acabou pagando o Ourense Envialia, que, con menos efectivos rematou por acusar esas rotacións e o cansanzo.
Abriu o marcador Sara Santos, logo anotaron Alicia Benete (en dúas ocasións) e Inma. O 4-1 colleitouno Susana no minuto 30 de partido. Patri Chamorro volvía anotar para as colais e Judith dáballe a réplica (6-2). Outra vez anotou Patri Chamorro, esta vez de penalti e pechou o tanteo Judith no minuto 39 co 6-3.
Ao final do partido, a propia Vane Barberá, cancerbeira do Ourense Envialia e unha das xogadoras destacadas do partido, facía esa lectura do partido. Explicaba aos micrófonos da canle de YouTube do FSF Móstoles que o club ourensá está tendo “unha tempada complicada con lesións graves de xogadoras importantes, chegamos xustiñas de xente a esta parte da competición”.
Por outro lado, tal e como apuntaba a porteira Vane Barberá, nesta fase da Liga na que se loita polo título “Temos que xogar contra equipos que os mellores desta Liga. Estamos notando que nos faltan as forzas. O FSF Móstoles estivo fisicamente mellor ca nós e notouse que tiñan moita máis profundidade de banco”.
Con todo a gardamallas do Ourense Envilia, con pasado no FSF Móstoles, apuntaba que tiña moita “fachenda do que temos feito hoxe. Baleirámonos no partido”, aseguraba a porteira Vane Barberá do conxunto ourensá logo da derrota.
REVIVE O PARTIDO ENTRE FSF MÓSTOLES E OURENSE ENVIALIA NA CANLE DE YOUTUBE DO MÓSTOLES
FICHA TÉCNICA
6) FSF MOSTOLES: Silvia; Inma, Patri Chamorro, Celia e Alicia Benete – quinteto inicial -. Tamén xogaron: Sara Santos, Shiori e Desi.
3) OURENSE ENVIALIA: Vane; Iria Saeta, Laura Uña, Chiky e Judith – quinteto inicial -. Tamén xogaron: María, Susana, María Arias e Jenny Lores.
GOLES: 1-0, min. 9 Sara Santos, 2-0, min. 19 Alicia Benete, 3-0, min. 21 Alicia Benete, 4-0, min. 24 Inma, 4-1, min. 30 Susana, 5-1, min. 32 Patri Chamorro, 5-2, min. 33 Judith , 6-2, min. 38 Patri Chamorro (penalti), 6-3, min. 39 Judith.
ÁRBITROS: Colegiados, Manchado García y Manso Martín del colegio madrileño. Recibieron cartulina amarilla Celia y Sara Santos en el Móstoles.
INCIDENCIAS: Partido correspondente á segunda xornada do Grupo C da Primeira División do fútbol sala feminino da RFEF que loita polo título na categoría. O cruce disputouse no pavillón Villafontana.
