Partido, a priori, doado para o Conservas Orbe Porriño. Este venres (o 31 de xaneiro, ás 21.00 horas), o conxunto de Isma Martínez aterra en Madrid, concretamente no Polideportivo Municipal de Alcobendas Amaya Valdemoro para enfrontarse o pechacancelas da Liga Guerrera Iberdrola de balonmán, o Helvetia BM Alcobendas.
O equipo da localidade de O Porriño está nunha situación crítica que debe de remontar para o inicio desta segunda volta. · “Estamos nun momento complicado. A primeira volta non foi o que esperábamos a nivel de puntos. Pero sí a nivel de xogo. Durante toda a liga, eu penso que xogamos mellor ca o rival en moitos partidos”, comentou o adestrador do Conservas Orbe, Isma Martínez, para As Nosas.
Con catro derrotas consecutivas ante Zuazo —sendo a última—, o Mecalia Atlético Guardés no derbi galego, o Fertilidad Málaga e o Rocasa Gran Canaria, son penúltimas na clasificación da Guerrera. Tan só as diferenzan do seu rival dous puntos. “O partido de Zuazo desesperounos un pouco posto que cometemos erros moi infantís pola impotencia”.
A esa última cita, viaxou Nagore, pero non puido facer nada. Esta semana estívose adestrando e os técnicos seguen pendentes da súa incorporación ó plantel. Aitana torceu o nocello en Barakaldo nas últimas accións e pode ser duda para mañá. O adestrador mostrouse moi contento pola reaparición de Sarai. O martes adestrou na dinámica do grupo e pode ser cercana a súa volta a competición.
“Nestas últimas semanas baixamos o nivel de xogo pero a verdade que a xente está con moito ánimo a pesar da situación na que nos atopamos. Tanto eu, os meus axudantes e as miñas xogadoras estamos moi unidas para sacar isto adiante e a verdade que se adestrou moi ben de luns a xoves”, engadiu Martínez sobre o seu plantel.
Aínda que tamén fixo mención do mal balance nos últimos encontros (o de Zuazo e o partido da ida na Copa da Raíña): “Non podemos poñer excusas, é a realidade. Cremos que a liña a seguir era a que estábamos tendo antes deste dous últimos partido que xa baixamos a outros niveis que son preocupantes. Pero non podemos caer en mirar os marcadores e a táboa continuamente”.
O Porriño xa gañoulle o Alcobendas na primeira xornada
Rememorando a primeira xornada da competición, o Porriño conseguiu que a vitoria ante o Alcobendas quedara na casa. Comezaron gañando e reflexando diferenzas no electrónico pero tralo descanso o equipo madrileño apertou as porcas presionando as nosas xogadoras. Finalmente logran sumar os puntos tras un 25 a 24. A máxima goleadora foi Anthia Espiñeira, con 8 tantos. Nas rivais, Yadira Morales meteu cinco.
O Helvetia BM Alcobendas non se atopa nunha mellor situación que as galegas. Son as últimas da Liga Guerreras sumando tan só 3 puntos de unha vitoria e un empate. Polo que leva 9 derrotas, 4 delas consecutivas ante o Atlético Guardés, o Zuazo, o Balonmano Salud Tenerife e o Liberbank Gijón.
DATOS DE INTERESE
DÍA E HORA: 31 de xaneiro, ás 21.00 horas.
CAMPO: Polideportivo Municipal de Alcobendas Amaya Valdemoro – Madrid.
ÁRBITROS: Alfredo Arcos Adeva e Óscar García Camiño
INCIDENCIAS: Partido correspondente a xornada 12 da Liga Guerreras no que enfrontará ao Helvetia BM Alcobendas contra o Conservas Orbe BM Porriño no Municipal de Alcobendas Amaya Valdemoro.
