Despois da ledicia acadada tralo paso aos cuartos de final na Challenge Cup, o Mecalia Atlético Guardés volve a competir na Liga Guerreras Iberdrola. As galegas poñen rumbo este mércores (5 de febreiro, ás 20.30 horas) ata Cataluña. Na xornada 13, enfróntase ao KH-7 Granollers no Palau D’Esports.
Ambos equipos atópanse na competición europea. As de José I. Prades, ao competir a fase íntegra no pavillón de A Sangriña xa ten máis que asegurado o boleto aos cuartos de final. En cambio, as catalanas, a pesar de ter un pé dentro tras a vitoria no partido de ida, teñen que esperar ata o domingo (9 de febreiro) para saber se acompañarán as de A Guardia no seguinte pase.
O técnico do Guardés animal ao plantel a “facer un último esforzo” de cara ó partido. E que despois da gran actuación do equipo en Europa as xogadoras disfrutarán dun merecido descanso ata o próximo luns. “Ogallá podamos resarcirnos da derrota contra elas en A Sangriña e levarrnos esos dous puntos antes de afrontar a volta da Copa da Raíña contra o Tenerife”, desexa o adestrador.
De momento, na clasificación xeral, as separan cinco puntos. O Guardés sitúase na cuarta posición con 17 puntos. Ademais levan sin perder na Liga desde o pasado mes de outubro ante o Aula Alimentos de Valladolid. Nos dous últimos partidos firmou dous empates, o primeiro ante o Super Amara Bera Bera por 23 a 23 e a segunda ante o Balonmano Elche por 24 a 24.
As de Granollers son quintas con 12 puntos. A progresión de un partido gañado e un perdido rompeuse desde fai dúas xornadas xa que leva dúas vitorias seguidas, ante o Rocasa Gran Canaria por un 23 a 32 e ao Rincón Fertilidad de Málaga por un 27 a 28.
Na xornada 2, o Granollers ganoulle o Guardés en A Sangriña
O partido de ida da competición entre Granollers e Guardés, o electrónico en A Sangriña decantouse polo cadro catalá (26-30). A gran actuación baixo os paus de Marisol Carratú e os bos momentos en defensa non bastaron para impoñerse que a falta de Vizuete, alimentáronse dos goles de Guareiro, Gassama e Vegue.
O equipo galego, no primeiro acto, foi capaz de desactivar o xogo con Gassame e de manterse no partido grazas as intervencións da gardameta arxentina, con dez paradas. Pero o 11-12 do descanso tras ir tres por riba (7-3) transformouse nun abrir e pechar de ollos cunha renta visitante de cinco goles que xa resultou insalvábel a pesar dos esforzos locais.
“A pesar dos resultados, o Granollers nunca baixou o seu nivel”, aclara Prades, quen incide en que “a liga é moi competitiva, pero por potencial e a bagaxe ademais do crecemento dos últimos anos, elas están arriba”.
As de Robert Cuesta tamén soñan con seguir adiante na Copa da Raíña e na Challenge Cup. Recentemente incorporando á extremo dereita internacional, Ana González, procedente do Elche, e conta nas súas filas coa galega Carmen Prelchi, a ex guardesa Gabriela Romero e xogadoras de calidade como Giulia Guareiro, Ona Vegué ou Nicole Wiggins.
A expedición, xunto a Sarah Valero, viaxará desde Oporto, o mércores, ata Barcelona, onde fará noite para regresar a mañá do xoves. Uns días un pouco máis apurados do habitual pero para os cales preparáronse o equipo a conciencia. “Teñen cansancio acumulado normal, asumido o esforzo con naturalidade, pero o traballo enfocouse a que estén en boas condicións“, explica Prades.
DATOS DE INTERESE
DÍA E HORA: 5 de Febreiro, ás 20.30 horas.
CAMPO: Palau D’Esports de Granollers.
ÁRBITROS: José Alberto Macías de Paz e Ernesto Ruiz Vergara.
INCIDENCIAS: Partido correspondente a xornada 13 da Liga Guerreras Iberdrola no que enfrontará ao KH 7- Granollers e ao Mecalia Atlético Guardés no Palau D’Esports de Granollers.
