Novo Mesoiro, o Vicente Álvarez e o Pavillón de Esteiro acollen duelos entre clubs galegos

A Segunda División do fútbol sala da RFEF ten tantos conxuntos galegos no seu Grupo 1 que se fai complicado que non teñamos cruces entre deles. Esta 15ª xornada non había ser menos. En total, temos tres partidos entre escuadras galegas, todos eles xóganse en sábado, aínda que a xornada para as galegas rematará o domingo coa saída da Fervenza a terras bilbaínas. Non olvidemos o partido do sábado ás 19:00h no pavillón dos Remedios de Ourense entre o Cidade de As Burgas e o CD Uni. de Salamanca.

A cidade da Coruña vive un derbi local de futsal na Segunda División feminina da RFEF. O 5 Coruña FSF recibe ao Viaxes Amarelle en Novo Mesoiro. Será mañá, sábado 19 de febreiro, a partir das 17:00 horas. Pero os cruces entre clubs galegos non rematan aí. O Pavillón de Esteiro acolle o encontro entre Valdetires FSF e FSF Castro tamén mañá sábado ás 17:30 horas, será o partido que abra a xornada. Pola súa parte o Bembrive recibe no Vicente Álvarez ás 19:30 horas ao filial do Ourense Envialia.

A maiores, o domingo 20, A Fervenza visitará ao Viuda de Sainz Gora, será no Polideportivo Abuso a partir das 12:00 horas.

Obxectivos dispares na tempada pero parellos na xornada: gañar

As laranxas son líderes do Grupo 1 e xustamente vencían ao Valdetires Ferrol a pasada semana 5-3 no mesmo escenario onde se enfrontarán esta fin de semana como visitantes ás xogadoras que adestra Fani Martínez. Daquela o duelo foi provincial, agora é local. As herculinas recuperaban ante as departamentais un partido atrasado por casos de COVID-19.

As xogadoras que adestra Jorge Basanta confían en poder seguir a súa serie de partidos gañados, aínda que sería a costa das súas veciñas o 5 Coruña FSF que actualmente son penúltimas.

Para este novo partido o técnico galego citou ás porteiras Sandra Rodríguez e Leti Rojo, así como ás xogadoras de pista, Candela Soria, Patri Romaní, Cris Lourés, Èlia Gullí, Yaiza, Lau Doce e María Gómez, segundo informa o club.

O bloque que adestra Fani Martínez acumula cinco puntos tras 12 partidos. Unha vitoria e dous empates son o balance positivo das coruñesas no que vai de competición ligueira. No debe, nove derrotas. Se miramos os goles, podemos observar que suman 20 a favor e 50 en contra.

Claramente laranxas e vermellas teñen obxectivos moi diferentes. As primeiras, o ascenso, as segundas, a permanencia. O 5 Coruña FS ten dous partidos pendentes de disputar que lles poden servir para sumar. Pero o primeiro reto téñeno esta fin de semana en cancha propia no duelo local co Viaxes Amarelle. Antes desde partido as xogadoras vermellas colleitaron dous empates e amosaron un mellor xogo.

Se miramos o histórico de enfrontamentos entre estos dous clubs coruñeses, nesta tempada mediron forzas en dúas ocasións. As dúas veces gañou o Viaxes Amarelle FSF (1-10 e 8-0).

Ambos os dous clubs chegaron ao acordo de que as persoas socias dun club e do outro poderían acceder de balde aos derbis herculinos e así gozar do futsal femenino coruñés.

A loita polo 4º lugar estará no Valdetires – Castro

O pavillón de Esteiro será escenario dun interesante cruce entre ferrolás e lucenses. O FSF Castro visita a cancha do Valdetires Ferrol FSF con toda a intención de non soltar o cuarto lugar que agora ocupa na clasificación da Segunda División. Xustamente o contrario é o que perseguirá como obxectivo a escuadra local dirixida por Javi Leira que a pasada semana, en declaracións a As Nosas, xa explicaba que a súa liga pasaba por partidos coma este. 

Tras a derrota 5-3 ante o Viaxes Amarelle, Leira declaraba:  “Este era un partido importante xa que se sacabamos algo positivo iamos subir un pouco máis arriba, pero realmente a nosa liga, para acadar o noso obxectivo de xogar a fase de ascenso vai ser As Burgas, Castro e Bembibre“.

A diferencia entre ferrolás e lucenses son dous puntos. Vai por diante FSF Castro con 28 puntos e detrás o Valdetires Ferrol FSF con 26. O cuarto posto é neste momento das lucenses. Veremos en mans de quen está ao remate da xornada.

Bembrive vs Ourense Envialia e saída da Fervenza

O Bembrive FSF recibe ao filial do Ourense Envialia o sábado ás 19:30 horas no pavillón Vicente Álvarez. Vinte puntos separan a ambas as dúas escuadras. As viguesas son terceiras con 33 puntos, e as ourensás están no noveno lugar con 13 puntos.

🏆🥈2DIV // J.15 //

📅 19/02
⏰ 19:30H@bembrivefs 🆚 OURENSE ENVIALIA FSF

📍#Vigo
🏟 PAB.VICENTE ÁLVAREZ

TIENDA 👇https://t.co/jLoZZ0cS64

Diseño: @beaseijasgrafico

🧡🚀 #imosOlio#ourensEnvialia #aForzaDoLobo #oNosoValor #libresParaSer #ubuntu #fsf #futsal #feminismo pic.twitter.com/UVpX5iEuwL

— Ourense Envialia FSF (@OUenvialiaFSF) February 17, 2022

Pechará a xornada nesta Segunda División da RFEF a visita do comarcal A Fervenza (duodécimo) ao Viuda de Sainz Gora (undécimo). Un posto na táboa pero catro puntos menos para as galegas que deberán vencer na súa loita por sacar a cabeza da zona baixa e ter máis preto a posibilidade de escalar postos na clasificación.

📆 Axenda de partidos da #FamiliaRosa para esta fin de semana.

🚎 O primeiro equipo e o filial viaxan.

⚔️ O luns, dous partidos de recuperación para o alevín e o benxamín.#FamiliaRosa #AFervenzaFSF pic.twitter.com/S1JRroxZ7r

— Comarcal A Fervenza (@afervenzafsf) February 18, 2022

As Burgas recibe as colistas que aínda non puntuaron

As segundas clasificadas, o Cidade de As Burgas que adestra Manolo Codeso, recibe o sábado ás 19:00 horas nos Remedios ao CD Uni. de Salamanca, colisa. Sobre o papel as ourensás deberían ter un partido perfectamente asequible. Falamos dun faroliño vermello que, tras 14 partidos disputados, aínda non foi quen de puntuar. Todos os seus partidos remataron en derrota.

As salmantinas son o conxunto máis goleado (78 goles en contra) e o segundo con menos tantos anotados (13). So A Fervenza ten menos goles anotados (11) pero as rosas teñen dous partidos menos que as charras, polo que ese número está desvirtuado.

Así queda a 15ª xornada na categoría de prata do futsalfem español para os conxuntos galegos:

SÁBADO 19/2/22

• 17:00 5 Coruña FSF vs Viaxes Amarelle FSF (Novo Mesoiro)
• 17:30 Valdetires Ferrol FSF vs FSF Castro (Pavillón de Esteiro)
• 19:00 Cidade de As Burgas vs CD Uni. Salamanca (Pavillón dos Remedios)
• 19:30 Bembrive vs Ourense Envialia B (Pavillón Vicente Álvarez)

DOMINGO 20/2/022

• 12:00 Viuda de Sainz Gora vs A Fervenza (Polideportivo Abuso La Peña)

CLASIFICACIÓN 2ª DIVISIÓN FSF RFEF