O Viaxes Amarelle segue intratable na división de prata do futsa feminino. As de Jorge Basanta recibiron no seu feudo ao conxunto bilbaíno do Gora Viuda de Sainz. O conxunto laranxa non deu opcións en ningún momento ás visitantes e venceu por 10-1 para colocarse no máis alto da táboa sumando 12 puntos de 12 posibles. As herculinas son líderes indiscutibles ata o momento.
O Cidade de As Burgas e o Valdetires asinaron as táboas no pavillón dos Remedios. Ambos equipos sitúanse na zona tranquila da táboa con 7 puntos de catros partidos desputados. Gran partido no primer derbi galego dos tres que tivo esta cuarta xornada da Segunda División de futsal.
O segundo dos derbis galegos, foi o que enfrontou ao FSF Castro 4-3 Academia RedBlue 5 Coruña Futbol Sala, nun emocionante partido. As vermellas conseguiron a vitoria antes as herculinas para colocarse na segunda posición da táboa e sumar 10 puntos nestes primeiros catro partidos.
O Ourense Envialia B asaltou o feudo das astures do Spring Cider Rodiles e venceu por 4-5. O filial ourensán sitúase na sétima posición e suma 6 puntos de 12 posibles. Bo comezo de tempada e zona temperada da táboa para as de Bea Seijas.
O Bembrive FS é o que se sitúa no posto de bronce da Segunda División de Futsal tras gañar por 0-3 á Fervenza FS. As viguesas conseguiron vencer a domicilio no pavillón de A Malata tras facer un partido moi serio e dar moi poucas opciósn ás rosas. As ferrolás sitúanse na 11ª posición e suman 3 puntos no seu casilleiro.
