- A SD Eibar, equipo recentemente descendido de Primeira División, medirá a progresión do Dépor ABANCA nesta preparación de cara ao inicio de liga na Primera Federación na que militará este curso 2022-23.
O encontro ante as eibarresas, terceiro nesta pretemporada para as branquiazuis, xogarase hoxe mércores 17 de agosto ás 18:00 no campo de fútbol de Santianes, en Colunga (Asturias), segundo informa o RC Deportivo.
✅ Asteko plana ⚔️ Plan semanal
Dos amistosos del primer equipo femenino para seguir la puesta a punto.#BetiArmaginak | #EibarFem
— SD Eibar (@SDEibar) August 16, 2022
Até a data todo son boas noticias para as xogadoras que adestra a preparadora Irene Ferreras, que conquistaron nos seus dous primeiros partidos o Trofeo Cidade de Gaia ante o Valadares Gaia FC (2-4) e o Teresa Herrera ante outro equipo luso, o FC Famalicão (2-2 e 5-3 por penaltis), após unha gran segunda parte en ABANCA-RIAZOR.
Causan baixa para esta terceira cita do verán ante a SD Eibar: Yohana, cunha contusión pélvica; Carlota Sánchez, que se recupera da operación cirúrxica á que foi sometida nas vacacións para solucionar unhas molestias que arrastraba no seu xeonllo esquerdo; Samara, afectada dun proceso vírico; Laura Fernández, cun plan específico de prevención; e Aroa Guerra, debido a unha escordadura de nocello.
Yohana tivo que deixar o seu posto baixo paus no Teresa Herrera por mor dunha contusión pélvica
Así pois, a convocatoria de Irene Ferreras para este partido ante a SD Eibar está formada por: Lorena Reina, Henar, Inés Altamira, Paula Gutiérrez, Eva Dios, Carlota Suárez, Millene, Lucía, Ainhoa Marín, Patri López, Raquel García, Charle, Letti, Cris Martínez; ademais das canteirás Tati, Nuria Gómez, Paula Novo e Marta Rico.
A SD Eibar ten novas fichaxes
Nestes días a SD Eibar vén de facer públicas as fichaxes de xogadoras como a dianteira uruguaya Esperanza Pizarro, así como a da atacante Gema Ginés. A asturiana militou no CDE Racing Féminas a pasada tempada e está a recupersarse dunha lesión.
💣 OFICIAL | OFIZIALA 🔥
Gema Ginés, nuevo refuerzo armero.
Ongi etorri, @gemagines! 😃#BetiArmaginak #Eibarfem
— SD Eibar (@SDEibar) August 17, 2022
Tralo choque, o Dépor ABANCA adestrarase de novo o xoves 18 ás 10:00 en Abegondo posto que o de hoxe non será o único partido nesta semana. O domingo 21 de agosto ás 19:00 horas, As Nosas deportivistas visitarán ao Viajes InterRías FF, de Segunda Federación Feminina, co Trofeo Concello de Sanxenxo en xogo.
