Víctor González: "Temos a espiña cravada do partido de ida"

A xornada do Grupo I da Primeira División Nacional arrinca coa visita do Dépor B ao Oceja o sábado ás 16:00 horas nos Campos de San Juan. As pupilas de Kevin Cabado queren seguir defendendo o posto de bronce da Liga e esperan un traspés do Monte para deixar a segunda praza a un só punto. A xornada da Primeira Nacional péchase co último encontro do Sárdoma no Federativo de Coya, ante o Sporting B o vindeiro domingo ás 16:00.

Duelo directo no último partido do Sárdoma no Federativo de Coya

O Sárdoma quere despedirse do Federativo de Coya cunha vitoria. As galegas xogarán o vindeiro domingo o último partido nese campo e volverán ás Relfas. O adeus ao Federativo non será nun partido doado, xa que as branquiazuis reciben ao Sporting B que terá en mente quitarse o mal sabor de boca da derrota da fin de semana pasada fronte o Valladares.

O adestrador do Sárdoma, Víctor González falou da importancia do partido e da “tranquilidade xa que recuperamos varias baixas que viñamos arrastrando as últimas xornadas”.

Víctor González, adestrador do Sárdoma: “O partido afrontámolo con moita ilusión xa que é un rival directo. Ademais, se conseguimos os tres puntos gañariamos o golaverage particular”.

“Temos a espiña cravada do partido de ida e gustaríanos gañar xa que no partido de ida perdimos no último minuto na nosa visita a Mareo. Antes do parón temos partidos contra rivais directos e é imporante sumar para non descolgarse”, asegurou Víctor sobre as gañas de desquite das súas xogadoras tras a dolorosa derrota na ida en Mareo.

Víctor González, adestrador do Sárdoma: “Temos a espiña cravada do partido de ida e gustaríanos gañar xa que no partido de ida perdimos no último minuto na nosa visita a Mareo. O equipo está con ganas”.

O técnico galego cometou que “o equipo está con ganas. Este será o último partido no Federativo de Coya e logo volveremos á nosa casa, a Relfas. Queremos despedirnos do Federativo cunha vitoria.

Víctor González, adestrador do Sárdoma: “Este será o último partido no Federativo de Coya e logo volveremos á nosa casa, a Relfas. Queremos despedirnos do Federativo cunha vitoria”.

As galegas afrontan o partido coas baixas confirmadas de Xavi, que volveu a resentirse das súas molestias. María, non estará por motivos persoais e Quiroga, continúa recuperándose da súa lesión.

O Dépor B visita a un Oceja en horas baixas

Non hai dúas sen tres. O filial deportivista quere seguir sumando vitorias para asegurar o terceiro posto e seguir mirando cara arriba na táboa. As herculinas levan dúas vitorias seguidas e nesta xornada 16 visita o feudo dun Oceja en postos de descenso.

O conxunto cántabro vén de perder ante o Umia por 3-0. A pesar de que nesta categoría non hai partido doado, as de Cabado terán unha boa oportunidade para acadar a súa terceira vitoria consecutiva ante un rival en horas baixas. Precisamente, as branquiazuis chegan con boas sensacións tras a súa vitoria por 3-0 ante o Sárdoma, en Abegondo.