Os tres conxuntos galegos que militarán na Segunda Federación de fútbol feminino grupo norte iniciará e rematarán o curso 2022-23 como visitantes. A primeira xornada desta competición está prevista para a segunda fin de semana de setembro, xogándose o 10 ou 11 os diferentes partidos.
O Sárdoma CF visitará na xornada 1 da Segunda Federación ao Zaragoza CF Femenino, mentres que o Peluquería Mixta Friol fará o propio co CD Pradejón e o Viajes Interrías Fútbol Femenino acude á cancha do Athletic Club C.
Na última xornada da fase regular, prevista para o 21 de maio, os tres galegos xogarán os seguintes partidos segundo o calendario feito público pola RFEF:
- R.C.D. Espanyol de Barcelona SAD B vs Viajes Interrías Futbol Femenino
- Torrelodones C.F. vs Peluquería Mixta Friol
- CE Europa vs Sárdoma CF
Os conxuntos que compoñen esta Segunda Federación do fútbol feminino estatal no seu grupo norte, na que están estos tres conxuntos galegos son os seguintes:
- Zaragoza CF Femenino
- Sárdoma Club Fútbol
- Real Madrid Club Fútbol B
- Torrelodones Club Fútbol
- Club Deportivo Pradejón
- Peluquería Mixta Friol
- Club Bizkerre A
- Club Deportivo Getafe Femenino
- Club Deportivo Fundación Osasuna Femenino B
- Real Club Deportivo Espanyol de Barcelona SAD B
- CDE Racing Féminas
- Club Atlético de Madrid SAD B
- Athletic Club C
- Viajes Interrias Futbol Femenino
- CE Europa
- Club Deportivo Parquesol
Como se pode ver é unha categoría na que hai varios filiais e ata algún terceiro equipo, como é o caso do Athletic Club C.
O primeiro partido en casa dos clubs galegos será na segunda xornada recibindo o Viajes Interrías FF ao CDE Racing Féminas, o Sárdoma CF ao Club Bizkerre A, e o Peluquería Mixta Friol ao CE Europa.
Cruces entre equipos galegos na Segunda Federación
O calendario determina que o primeiro dos cruces entre equipos galegos nesta categoría da Segunda Federación será o partido entre Sárdoma CF e Peluquería Mixta Friol, previsto para a xornada novena que está fixada para fin de semana do 20 de novembro de 2022. A volta será na xornada 23 (26/03/2023).
O 4 de decembro, na undécima xornada será a quenda para o partido entre o Peluquería Mixta Friol e o Viajes Interrías Futbol Femenino. A volta deste cruce está fixada para a xornada 24 (02/04/2023)
Xusto na seguinte xornada, a duodécima que está marcada para o 18/12/22, as de Portonovo recibirán ás viguesas co cruce: Viajes Interrías Futbol Femenino vs Sárdoma CF. A volta deste partido se debería disputar na xornada 21 (12/3/2023).
Os equipos que integran o grupo sur desta Segunda Federación do futfem son:
- Málaga Club Fútbol SAD
- Valencia Féminas Club Fútbol B
- UD Almería SAD
- Club Deportivo Pozoalbense Femenino
- Real Unión De Tenerife Santa Cruz
- Club Deportivo Femarguín
- Fundación Canaria Club Deportivo Tenerife
- Real Betis Balompié SAD B
- Balears Fútbol Club
- Club Fútbol Unión Viera
- Levante Unión Deportiva SAD B
- Club Fútbol Femenino Cáceres Atlético
- Fútbol Femenino La Solana Quesos La Casota
- CD Santa Teresa
- Club Fútbol Femenino Albacete
- Madrid CF Femenino B
O ‘play-off’ de ascenso á Primera Federación xogaranse o 28 de maio e 4 de xuño
En total nesta competición participan 32 equipos repartidos nos grupos norte e sur. A fase regular da competición vaise iniciar na fin de semana do 10 e 11 de setembro e finalizará o 21 de maio.
Posteriormente as seguintes fines de semana, é dicir, o 28 de maio e o 4 de xuño, vanse disputar as eliminatorias do play-off de ascenso que darían acceso á Primera Federación do fútbol feminino español.
A Segunda Federación, como acontece coa Primera Federación, estrea nova imaxen visual, coas cores branco, morada e laranxa, para identificar as competiciones de fútbol feminino da Real Federación Española de Fútbol.
