Corría o 3 de novembro cando o Sárdoma perdía o seu último partido de Liga fronte o líder, o Viajes Interrías. Dous meses levan as de Víctor Gónzalez sen coñecer a derrota. Situación diferente vive o Umia que leva catro xornadas seguidas sen saber o que é levarse os tres puntos ao peto.
Víctor González, adestrador do Sárdoma: Vexo ás mozas moi ben e moi unidas. Atreveríame a dicir que están máis unidas que nunca despois do parón.Teñen moitas ganas de volver á competición.
O Campo Federativo de Coia vivirá un duelo galego entre dous equipos que viven dúas realidades e teñen diferentes obxectivos para esta segunda volta que está a comezar. O adestrador do Sárdoma, Víctor González destacou na previa a unidade vivida no vestiario: “Vai ser un partido moi disputado e igualado. Vexo ás mozas moi ben e moi unidas. Atreveríame a dicir que están máis unidas que nunca despois do parón. Teñen moitas ganas de volver á competición”.
A preocupación de González pasa pola falta de ritmo de competición tras o parón navideño: “O que máis nos preocupa é levar tanto tempo sen competir polo parón. Practicamente levamos un mes sen competir en Liga e iso nótase. Durante estes días traballamos moito este aspecto, para que as mozas cheguen nas mellores condicións ao partido”.
Víctor González, adestrador do Sárdoma: O que máis nos preocupa é levar tanto tempo sen competir polo parón. Practicamente levamos un mes sen competir en Liga e iso nótase.
Gañar para evitar problemas
O Umia buscará unha vitoria domicilio para evitar entrar na zona de descenso, límite que actualmente ocupa o CD Oceja con nove puntos, os mesmos que o equipo galego. Unha vitoria para deixar atrás a barreira do desceno e acadar unha vitoria que traia confianza e seguridade no xogo das galegas.
O adestrador do Sárdoma destacou o obxetivo desta segunda volta para o conxunto vigués: “A unión que ten o equipo fainos que sexamos un gran bloque e estamos seguros que as xogadoras darán o máximo. Nós aspiramos a estar o máis arriba posible. Sabemos que hai sete equipos que son moi grandes e que vai estar moi dificil estar aí. Traballamos sen presión, porque non somos dos equipos máis fortes economicamente e sabemos cal é a nosa liga.
Víctor González, adestrador do Sárdoma: Traballamos sen presión, porque non somos dos equipos máis fortes economicamente e sabemos cal é a nosa liga.
A gripe golpea pero non avisa
Con respecto ás lesións, o Sárdoma conta coa boa nova da recuperación de Xavi, que levaba moito tempo parada. Como as boas novas non veñen soas, o conxunto branquiazul tamén recuperou a Laura que xa empezou esta semana a traballar co grupo.
“Como supoño que lle pasa a varios equipos, temos problemas coa gripe, xa que varias das nosas xogadoras están afectadas e serán dúbida ata última hora: Paula, Yaiza, Pipa, Xavi e Brus que estamos pendentes de que cheguen ao partido”, apuntou Víctor con respecto a plaga de gripe que está a afectar ao conxunto vigués.
