- O Mundial do Fútbol a Pé contará cunha galega na Selección Española de maiores de 40 anos. Sara Soage estará coa vermella na competición que terá lugar en Torrevieja.
A galega Selección Española fai historia ao disputar coa Selección Española feminina de maiores de 40 anos o Mundial de Fútbol a Pé que se celebra en Torrevieja.
Outra das nosas deportistas facendo historia. Esta vez na modalidade de Fútbol a Pé, integrada na Real Federación Galega de Fútbol, está a vivir un momento histórico na nosa comunidade. Así, e despois de case seis anos de actividade no Concello de Cangas do Morrazo, a galega Sara Soage foi seleccionada pola Selección Española de maiores de 40 anos para disputar o Mundial de Walking Football que se celebra durante este mes de outubro na localidade alacantina de Torrevieja.
Sara Soage exerceu coma capitá de España
Sara Soage foi a capitá da Selección Española no partido contra Australia e titular nos tres primeiros partidos, no que o seu equipo acadou a vitoria.
Torrevieja convértese durante este mes de outubro na capital mundial do walking football. A primeira fase do torneo centrarase en tres categorías: Feminino Maiores de 40, Masculino Maiores de 70 e Masculino Maiores de 50, con partidos que se disputarán ata o venres 24 de outubro, día das finais.
O evento, que se celebrará na Cidade Deportiva de Torrevieja, reúne a equipos de todo o mundo para competir nun ambiente de amizade, deporte e fútbol, dentro do formato inclusivo e cada vez máis popular do walking football (fútbol camiñando).
Sistema de competición
A competición feminina de maiores de 40 anos, onde compite a galega Sara Soage, comeza cunha fase de liguiña, que promete encontros moi atractivos. O torneo abrirase cun partido entre Xapón e as anfitrioas, España, marcando o ton dunha semana chea de emoción.
Outros encontros destacados da primeira rolda inclúen o esperado Inglaterra contra Australia e o interesante Francia contra República Checa. Os catro mellores equipos desta fase avanzarán ás semifinais.
Tras unha serie de campamentos de adestramento e unha campaña de recrutamento nacional durante o últimos seis meses que viu a Mark Coleman e Mark Kavanagh viaxar cumpridamente polo continente e as illas, anunciáronse os equipos finais da Selección Española, na que figura a galega Sara Soage.
O fútbol a pé marca tendencia
“Este feito histórico para esta especialidade deportiva pon de manifesto o extraordinario traballo que vén realizando José María Rial á fronte do Fútbol a Pé en Galicia, unha disciplina que forma parte da estrutura da Real Federación Galega de Fútbol”, tal e como resaltan desde a propia RFGF.
“Ao longo da tempada celébranse varios campionatos en distintos puntos da xeografía galega co obxectivo de continuar promocionando este deporte que cada día conta con máis practicantes de todas as idades”, lembran desde a RFGF.
