Despois dunha tempada complicada, Sara Moreno seguirá defendendo a camiseta do Ourense Envialia. Xogadora e club chegaron a un acordo para extender o seu contrato co equipo ourensán para a vindeira tempada.
“Para min a miña xente de Ourense é a miña segunda familia”, recoñecía a futbolista, unha das mellores pivotes a nivel internacional, que seguirá competindo na pista dos Remedios, once anos despois.
Desde o primeiro momento, a cordobesa asegura que “a min nunca me faltou de nada e sempre tiven preto á xente cando a necesitei”.
As lesións non frean a Moreno
A lesión que sufriu na campaña do 2020/2021 non frea a súa paixón polo fútbol sala. “O meu soño é poder volver a xogadr nas mesmas condicións nas que estaba nates de lesionarme e que as miñas compañeiras, que tiveron que pasar por esta desagradable lesión, o fagan tamén. O ano pasado sufriuse moito, e merecen sorrir e unha alegría”, declarou ao respecto Moreno.
Nesta liña, a futbolista afronta a lesión coa filosofía de “coller ao touro polos cornos, aínda que haxa moitas dúbidas, moito medo e incertidume”. O obxectivo está claro: “Volver xogar ao máximo nivel posible”.
A lesión evoluciona favorablemente, e a andaluza só sufre xa de molestias esperables. “Todo vai segundo o esperado no prazo no que estou, así que hai que seguir traballando que esto é unha carreira sen fondo!”, explica.
Coa vista posta no futuro
Desde o club do Ourense Envialia destacan o seu compañeirismo, e a súa calidade de xogo. En palabras da entidade, a andaluza é “unha referente do fútbol sala”.
De cara a vindeira tempada, a xogadora agarda que “unha vez por todas podamos estar todas xuntas na pista aportando cada unha o que podamos e sabemos dar”. Neste sentido, Moreno quere “ver desfrutar ás miñas compañeiras como o merecen”.
Mirando o partido a partido, a pivote declara que “loitar, vaise loitar todas as fines de semana, e a partir de aí poderanse marcar obxectivos”.