O xesto de dor de Sara Moreno no último partido que xogou o Ourense Envialia (fronte ao Atlético de Madrid Navalcarnero) facía temer o peor para a xogadora. Finalmente, a futbolista non terá que pasar polo quirófano, así que tal e como informan desde o club ourensán “non son malas noticias”.
Con todo, Sara Moreno sufre unha rotura parcial do seu ligamento lateral interno do xeonllo esquerdo, polo que se estima que a súa baixa poderá ser duns tres meses. Moreno comezará cos exercicios isométricos ata que a próxima semana volva ser examinada e, dependendo da evolución da lesión, poderá comezar ou non a rehabilitación.
Primeira lesión deste tipo para Sara Moreno, que foi arropada por todo o seu equipo
O apoio para a pívot, que nunca pasou por unha lesión destas características, é total. Desde a directiva do Ourense Envialia envían palabras de ánimo para a súa xogadora. “Fai falta algo máis para tumbarte! Aquí seguiremos ao teu carón para que voltes o antes posible!” expresan nun comunicado.
Ademais desta baixa, o Ourense Envialia terá que preparar o seguinte partido fronte ao Roldán FSF sen Judith, quen aínda non recibiu a alta médica polas secuelas do COVID-19.
No apartado de boas novas o Ourense Envialia recupera a María Arias e Chiky. Non todo ían ser malas novas, a pasada xornada de descanso permitiu a reincorporación destas futbolistas ao conxunto ourensán
NOTICIA // SARA MORENO SUFRE UN ROTURA DE LIGAMENTO LATERAL INTERNO DE SU RODILLA IZQUIERDA Y ROTURA PARCIAL DE LCA
¡Gracias a todxs! #ourensEnvialia #ubuntu #imosOlio #morraOconto #libresParaSer #hastaElUltimoAliento #fsf #futsal #futsalfemenino #saraMoreno #lesionesfutsal pic.twitter.com/o9XzzMpavR
— Ourense Envialia FSF (@OUenvialiaFSF) November 10, 2020
