- A TriArmada estaba conformada nas Series Mundiais de Abu Dhabi por cinco triatletas españolas: Anna Godoy (23ª), Marta Pintanel (24ª), Noelia Juan (42ª), Miriam Casillas (12ª) e a galega Sara Guerrero (50ª) do Náutico de Narón.
A carreira Elite Feminina das Series Mundiais de Triatlón celebrada en Abu Dhabi estivo dominada desde o inicio polas triatletas británicas Sophie Codwell e Beth Potter, que formaron un grupo de seis escapadas xunto ás norteamericanas Spivey e Rappaport, a alemá Meißner e a brasileira Lopes ao comezo do ciclismo. Por detrás, Anna Godoy, Marta Pintanel e Sara Guerrero eran as primeiras españolas en saír da auga despois dos 750 metros de natación. Tras elas, Miriam Casillas e Noelia Juan perdían un segundos respecto ao gran grupo.
O segmento ciclista afianzou a vantaxe do grupo de cabeza, que as situaba ao comezo da carreira a pé con máis de 45 segundos de vantaxe sobre o grupo perseguidor no que xa se atopaban Miriam Casillas, Marta Pintanel e Anna Godoy. Por detrás, Noelia Juan e Sara Guerrero marchaban nun terceiro grupo a minuto e medio da cabeza.
A carreira a pé foi definitiva, un cara a cara entre as británicas Beth Potter e Sophie Codwell que finalmente caeu da man de Potter. Mentres que a medalla de bronce foi para a norteamericana Taylor Spivey.
Respecto a a triarmada, Miriam Casillas continuou pola senda marcada a tempada pasada, finalizando en 12ª posición e demostrando que está no mellor momento da súa carreira, informa a Federación Española de Triatlón (FETRI).
Miriam Casillas acaba en el puesto 12° y Roberto Sánchez en el puesto 7°, ellos han sido los mejores españoles en la primera cita de las Series Mundiales en Abu Dabi @deportegob @worldtriathlon @iberdrola @reinventamosTri pic.twitter.com/itSjz8dubi
— FETRI (@TRIATLONSP) March 3, 2023
Tras ela, gran papel de Anna Godoy e Marta Pintanel, que terminaron nos postos 23º e 24º respectivamente, sumando puntos para a clasificación de clasificación olímpica neste inicio dela tempada. Especial mención para a Marta Pintanel que logrou o seu mellor resultado en series mundiais despois da súa estrea a tempada pasada. Sara Guerrero finalizaba a proba no posto 50.
