Sara del Castillo é campioa de España Sub-19 de bádminton, unha categoría por encima da que lle corresponde. A deportista coruñesa leva tempo destacando na base estatal e iso fixo que estes días participe en Dinamarca mellorando o seu xogo. A galega está, con outros seis españois máis, no Team Europe Summer Camp que se celebra en Vejen. É a única galega neste campamento de tecnificación europeo.
Segundo explican desde a Federación Española de Bádmintón este campus trátase dunha actividade de prestixio que forma parte do programa internacional de alto rendemento de Badminton Europe. Tamén participan dous técnicos nacionais: o responsable do CTD de Asturias, Fran Dacal, e o responsable do CTD de Madrid José Antonio Crespo.
Ver esta publicación en Instagram
O bádminton español afronta uns días de máxima intensidade e importancia coa participación de varios novos talentos no Team Europe – Summer Camp en Vejen (Dinamarca), na lista de deportistas convocados para esta cita está a galega Sara del Castillo.
Trátase dunha das iniacitivas de tecnificación máis importantes que desenvolve Badminton Europe (BEC) e que reúne a 54 xogadores continentais das categorías Sub17 e Sub19″, explican desde a Federación Española de Bádmintón.
No Team Europe – Summer Camp combínanse adestramentos técnicos e tácticos con formación transversal en áreas como nutrición, saúde mental, recuperación e emprendemento deportivo.
A iniciativa forma parte do programa internacional de alto rendemento de Badminton Europe e supón unha oportunidade única para as e os españois de base que destacan para “poder adestrar xunto a referentes continentais e baixo metodoloxías de vangarda”.
Sara del Castillo: “É un adestramento con xogadores de alto nivel e técnicos moi bos. Estou aprendendo moito”
Xustamente é sea parte a que Sara del Castillo destacaba destes días que xa leva vividos en Vejen: “Estouno pasando moi ben. É un adestramento con xogadores de alto nivel e técnicos moi bos. Estou aprendendo moito. Ademais, tamén estou puidendo coñecer a deportistas doutros países”.
Sara del Castillo, única galega no campus
Entre das perlas da canteira estatal do bádminton está á galega Sara del Castillo Ramos, que adestra durante o curso no Centro Galego de Tecnificación Deportiva (Pontevedra) cunha bolsa da Xunta de Galicia. É xogadora do Club del Mar de San Amaro. Esta nova deportista recibe tamén axudas do Concello da Coruña e da Deputación da Coruña.
A deportista herculina forma parte dunha convocatoria na que tamén figuran os volantistas do Centro de Alto Rendemento de Madrid Mario Rodríguez, Yaidel Gil e Raúl Bergua, ademais de Guillermo Muñoz, Belén Soto e Hugo Sanz.
Explican desde a Federación Española de Bádmintón que os deportistas seleccionados “foron identificados polo seu compromiso, rendemento e proxección, resultado directo do traballo sostido nos Centros de Tecnificación Deportiva (CTD), Centros de Alto Rendemento (CAR) e no marco do programa nacional Team España Futuro, aliñado cos obxectivos do Plan Estratéxico da Federación Española de Bádminton. Este plan aposta pola excelencia na formación integral do deportista e a internacionalización do talento novo”.
📹 Días 🔥🏸 en Dinamarca para los 💎 del bádminton español
Trabajan en el Team Europe Summer Camp, la prestigiosa actividad que forma parte del programa internacional de alto rendimiento de Badminton Europe y que también cuenta con dos técnicos 🇪🇸
➕ https://t.co/H6LbT7G5Wb pic.twitter.com/Lt6bjeA2MQ
— 🏸 Bádminton España (@BadmintonESP) July 9, 2025
Defenden desde a Federación Española de Bádmintón que a selección destes deportistas e técnicos “supón un pulo para o modelo español de desenvolvemento deportivo, que prioriza a sustentabilidade do talento, a cooperación internacional e a formación de adestradores e técnicos como piares fundamentais do crecemento”.
