A taekwondista galega Sara Cortegoso (-46, Mace Sport) caeu derrotada na segunda rolda do Mundial Absoluto, que se está a disputar estes días en Bakú. A galega asegurou ao remate da súa competición que está moi contenta “coa experiencia vivida e con moitas ganas de seguir medrando deportivamente”.
A taekwondista galega do club Mace Sport chegaba a esta cita mundialista con moita ilusión e ganas de dar a sorpresa. En primeira rolda enfrontouse a palestina Maiar Qabaha e Cortegoso venceu en dous asaltos, segundo informa a Federación Galega de Taekwondo. Explicaba Sara Cortegoso logo da súa participación: “Estiven moi acertada, forte e centrada e así logrei a vitoria”.
En segunda rolda esperaba Rita Bakisheva (Casaquistán), unha dura rival con experiencia internacional. A pesar de que Sara Cortegoso saíu moi ben, a kazaka anular as accións en ataque da galega e puntuar á contra, para imporse en dous asaltos.
