A historia de Londres 2012 e Río de Janeiro 2016 repítese como se fose un fatídico Día da Marmota para Sara Álvarez. Daquela, a judoca galega lesionábase antes da competición. Este ciclo olímpico o infortunio faina tropezar na mesma pedra. A deportista sufría unha lesión de xeonllo (que apunta a grave aínda que faltan probas) xusto cando tentaba sacar o seu billete para Toquio no Mundial de Budapest.
O pesadelo que apartaba a Sara Álvarez dos Xogos Olímpicos en 2012 e en 2016 volveu facerse real neste 2021. A deportista galega tiña superado unha rolda do Campionato do Mundo de Budapest, na categoría feminina de +78 kg, ao desfacerse da británica Sarah Adlington.
A lesión de Sara Álvarez
Foi na segunda rolda de competición cando chegou a desgracia. A judoca combatía coa bielorrusa Maryna Slutskaya o xeonllo da súa perna esquerda enganchouse. Sara berrou. E todas as persoas que estaban no pavillón teméronse o peor. A deportista foi trasladada polo persoal da expedición española ao hospital onde recolocaron a articulación pero quedou á espera de probas médicas.
A Real Federación de Judo e Deportes Asociados publicaba unha mensaxe de apoio á judoca galega na súa conta de Instagram:
“Prezada Sara, toda a RFEJYDA está contigo, es un exemplo de superación, humildade e perseverancia, e para nós sempre serás a nosa campioa dentro do tatami e na vida. Imos inundar as redes con mensaxes de ánimo aá nosa Sarita!”.
Ver esta publicación en Instagram
No Mundial de 2009 Sara Álvarez tivo unha grave lesión que case a fai abandonar, pero repúxose e seguiu coa súa carreira logo de varios anos lonxe do tatami.
Laura Martínez, a galega mellor clasificada no Mundial
Nesta campionato do Mundo tamén participaban as judocas galegas Laura Martínez Abelenda (-48kg) que rematou sétima a competición sendo a galega mellor clasificada. Tamén competiu, con menos sorte María Bernabeu (-70kg).
